BDB Bertsolaritzaren datu-basea

Informazio orokorra

Kategoria

Bat-batekoa

Saioa

1998-12-19 Azpeitia Jaialdia

Gai-jartzailea

Azkune, Laxaro

Bertsolariak / Egileak

Goikoetxea, Ekaitz

Murua, Iñaki

Lana

Binaka gaia-emanda

Jarritako gaia

Aita-semeak zarete. Telebistari begira Irakeko irudi ikaragarri horiek ikusi dituzue eta semea hasi zaio aitari galdezka.

Deskribapena

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1998-12-19 Azpeitia Jaialdia [Bertsoa] / Ekaitz Goikoetxea, Iñaki Murua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

E.Goikoetxea:
Telebistako kaxa txikian
horrenbeste jira-bira,
errugabeen begitxoetan
a zer nolako distira!
Pixka-pixkana Irak aldea
dena suntsitzen ari da;
holako gauzak munduan aita
zergatik gertatzen dira?

Murua:
Amerikarrak nahi izaten du
han ta hemen agintzea,
berak hobeto bizi izateko
bestek dunetik biltzea;
ez zaio ajola justizi eza
ta nun sartzen dan iltzea,
bere burua salbatutzeko
errugabeak hiltzea.

E.Goikoetxea:
Telebistaren aurrean triste,
matrail hezurrak bi hobi;
hau ikusita odola ere
ipintzen zait gori-gori.
Nahiz ta ez izan amerikarrek
duten aina kategori,
besterik gabe gorrotatzeko
arrazoia al da hori?

Murua:
Ez da arrazoi bakar-bakarrik
haundi baten aldartea;
kapritxoeri zabaldu die
Clinton jaun horrek atea;
hari axola al zaio bada
iraktar horiek joatea?
Naturak lege ipini zuen
haundiak txikia jatea.

E. Goikoetxea:
Arrai haundiak txikiena jan,
toki guztitan berdina;
kristal atzeko irudi hori
ez da oso atsegina;
boterearen haundinahi horrek
barrenean damait mina;
noiz izango da arrai txikia
arrai haundia adina?

Murua:
Arrazoi dezu zergatik behar du
beti besteren gerizan?
Bainan hala da hori ikasi du
orain arteko bizitzan;
arrai txikia ezin da bizi
arrai haundiaren gisan;
beti menpean egon beharko du
nahiz ta arrazoia izan.

E.Goikoetxea:
Gauza ugari ikusten dira
telebistaren gerizan;
solasaldia eduki degu
maixu-ikasleen gisan;
eskerrak ere eman nahi ditut
seme zintzoen peskisan,
zerbait ulertzen hasia bainaiz
nahiz ta ulergaitza izan.

Murua:
Ulertu dezu seme laztana
eta gaitzerdi sikira!
Batzuk bonbak ein ta lehergaiak
ondoren tira ta tira;
eta besteak barealdian
anai hilak erretira;
ta bitartean mundu zuri hau
beste aldera begira!