Bertsoak - Fitxa ikusi   Atal honi buruz gehiago jakiteko

1998-07-30 Getxo Jaialdia [Bertsoa] / Jexux Mari Irazu Muñoa, Jokin Sorozabal

Bertsoa entzun  

Informazio orokorra

Kategoria
Bat-batekoa
Saioa
1998-07-30 Getxo Jaialdia
Gai-jartzailea
Elorriaga, Unai
Bertsolariak / Egileak
Irazu Muñoa, Jexux Mari
Sorozabal, Jokin
Lana
Binaka gaia-emanda
Jarritako gaia
Badakizue urtero folk jaialdia izaten dela Getxon. Aurten bi artista berezi samar ekarri dituzte: Irazu kubatarra eta Sorozabal iparramerikarra, maiamiarra hain zuzen ere. Anaiarteko zerbait egin nahian edo, oholtza berean ipini dituzte kantaldia elkarrekin eskain dezaten.

Deskribapena

Doinua
Arratsalde on lehendabizitik
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1998-07-30 Getxo Jaialdia [Bertsoa] / Jexux Mari Irazu Muñoa, Jokin Sorozabal

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Irazu:
Gisa hontako elkartzerikan
behar zuenik sekula!
Getxon bazegon folk jaialdia
ederra eta mardula;
Maiamitikan honuntza zatoz,
ezin dezu disimula;
ta kantaldira etorri al zera
Clinton ondoan dezula? (bis)

Sorozabal:
Clinton honuntza gaur ekartzea
ez zen suertatuko errez,
Etxe Zuria zaintzen nahiko lan
badauka halabeharrez;
gurekin pozik ibiliko zan
bera algaraz ta farrez;
bere amanteak bidali nahi zun
baina bere emazteak ez. (bis)

Irazu:
Behin Kubatikan eramanikan
familia ta dirutza,
behin betirako aberastera
alde egin zendun haruntza;
ezin litezke konpara gero
zure ta nere iraultza!
Nerea iraultzan melodia da,
zurea folklore hutsa. (bis)

Sorozabal:
Karibe aldeko idealistak
ezin ditugu zuzendu;
bere herriko sustraien alde
ohi da beti nabarmendu.
Hala esaten du "hobe Kubako
dena zainduko bagendu";
gero Algortara etorri eta
Coca-Cola edaten du. (bis)

Irazu:
Nik Coca-Cola hartu nun baino
kalimotxo probatzeko,
gu kubatarrok betidanikan
izan baikera hitzeko.
Aurten ni nator Pablo Milanes
edo Silvioren antzeko;
zuk bukaeran eska zaiezu
dolarretan ordaintzeko. (bis)

Sorozabal:
Kuba aldeko mulatu hauek
ez dira bitxi earrak!
Dolarrarekin kobra dezagun
ez dira ideia txarrak;
horretan hauek ere dauzkagu
aspaldi ohitu samarrak;
patrika baten pesoak dauzka
eta bestean dolarrak. (bis)

Datu-base honetan eskainitako informazioari buruz jakiteko, kontsultatu lege oharra