Bertsoak - Fitxa ikusi Atal honi buruz gehiago jakiteko
1998-09-11 Donostia Jaialdia [Bertsoa] / Jokin Sorozabal
| Bertsoa entzun |
1998-09-11 Donostia Jaialdia [Bertsoa] / Jokin Sorozabal
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Urte dexente izango dira
Durangon hau pasa zela;
bertso afari baten ondoren
pasa zitzaidan itzela!
Gainera Unai Iturriaga
uste det nik hantxe zela;
hiru kalada eman nizkion
txupatxus bati bezela
eta guztiok ohartu ginen
nahikoa izan zirela. (bis)
Euzkitze're han zan ta biok
zerbezaz erdi beterik,
ez dakit zerez egingo zuten
hango lagun bat edo bik!
Baina geroztik behar bezela
nik ezin eman pausorik;
mostradorea hantxe jo nuen
buruaz oso-osorik;
nere sudurrak ez du bilatu
holako kontrariorik! (bis)
Tabernetara sartzeko ere
haundia degu ohitura,
bertsolarien koadrila hontan
horixe baita itxura.
Inoiz gazte bat etortzen bada
hori errez ingurura,
berehalaxe nabarmentzen det
belar gozoen lilura,
ta irrifarrez gogoratzen det
lehenbiziko aldi hura. (bis)
Datu-base honetan eskainitako informazioari buruz jakiteko, kontsultatu lege oharra