BDB Bertsolaritzaren datu-basea

Informazio orokorra

Kategoria

Bat-batekoa

Saioa

1997-04-26 Itsasondo Jaialdia

Gai-jartzailea

Mendizabal, Mikel

Bertsolariak / Egileak

Egaña, Andoni

Lizaso, Sebastian

Lujanbio, Maialen

Lana

Hirunaka gaia-emanda

Jarritako gaia

Maialeni galdera bat egingo diot eta bertso bakarrean erantzun beharko du. Maialenek bota duen bertsoa edo arrazoia mejoratu egin behar du ahal badu, eta Xebastianek Andonirena mejoratu behar du. Zenbat pisatzen du egitazko penak?

Deskribapena

Doinua

Aita izena kanta beharrak

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1997-04-26 Itsasondo Jaialdia [Bertsoa] / Andoni Egaña, Sebastian Lizaso, Maialen Lujanbio

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Pertsonak beti ezin dionez
irrifarreari eutsi,
sarri morala egiten zaigu
derrepente jo ta hautsi!
Ta penak zenbat pisatzen duen
erantzuna ezin utzi,
gure hipokresi haundia zein dan
horrek baitu erakutsi:
norberarena dan harek asko,
besterena danak gutxi. (bis)

Egaña:
Besteren pena zein den arina,
hori're ez da mirari!
Norberarenak pisua dula
Maialen kantatzen ari.
Sentimentuak neurtu asmotan
eutsi matemtikari:
pena kilo bat bi libra dira,
ez al da garbi nabari?
Lasto kilo ta burdin kiloan
txiste zaharra da hori. (bis)

S.Lizaso:
Bizitzan zehar sortu ohi dira
nork daki zenbat arazo?
Poz iturritik edan nahi eta
pena haundinak eraso.
Horrelakotan inor ez gera
gero sentitzen eroso!
Egizko penak animoa ere
lurreratzen du akaso;
zer pisu duen ez dakit baina
lurretik ezin da jaso. (bis)