Bertsoak - Fitxa ikusi Atal honi buruz gehiago jakiteko
1997-05-03 Legazpi Jaialdia [Bertsoa] / Sebastian Lizaso
Bertsoa entzun |
1997-05-03 Legazpi Jaialdia [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Iskanbila hau luzatzen doa
herri batentzat tamalez.
Joan dan urtean andrezko batzuk
ikusi ziren negarrez.
Nahiz ta arrazoi dena eduki
lortzea ez dute errez;
udalak ere erabakia
ez al du hartu aldrebes?
Herria denok osatzen degu,
alardea zergatik ez? (bis)
Ohitura zaharrak izaten dira
behar bada aldatzeko,
historian'e gertatua da
hamaika horren antzeko!
Txapel gorrian azpian hainbat
gizon kopeta beltzeko,
eskubiderik ez daukatenak
postura horretan jartzeko.
Eskubidea nornahik behar behar du
jaietan parte hartzeko. (bis)
Sentimentuak gorrotozkoak
dituzte beren kolkoan,
emakumeak, hala ere ez
etsi berehalakoan!
Laguntza faltik ez da izango
herrian edo kanpoan.
Arrazoitxo bat ez ote dago
saltsa guzian kakoan?
Gixon gehiegi dabil hortikan
gizonak diralakoan. (bis)
Datu-base honetan eskainitako informazioari buruz jakiteko, kontsultatu lege oharra