Bertsoak - Fitxa ikusi   Atal honi buruz gehiago jakiteko

1996-01-27 Donostia Jaialdia [Bertsoa] / Andoni Egaña

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertso Eguna (28. 1996. Donostia)
Saioa
1996-01-27 Donostia Jaialdia
Gai-jartzailea
Garzia, Joxerra
Bertsolariak / Egileak
Egaña, Andoni
Lana
Bakarka gaia-emanda
Jarritako gaia
Hik esana duk behin oholtzatik ikusten den paisaia gero eta koloretsuagoa dela. Jakin nahi diagu zuek egiten duzuen bertsoa ere koloretsua ote den ala oraindik zuri beltzean al zabiltzaten. Hala, nik gai bat jarriko diat eta kolore diferenteko bertsoak kantatu behar dizkiok gai horri. Gaia hau duk: dutxatu berritan osorik isladatzen hauen ispilu baten aurrean hago. Egoera horretan hagoela kanta ezak arrosa koloreko bertso bat. Egoera horretan berean, kantaiguk bertso berde bat. Bukatzeko, ea bertso beltz bat ateratzen zaian.
Gaiari oharrak
Gaiaren planteamendua bertsokakoa izan zen, hau da, behin kolore bateko bertsoa
botatakoan egoera berari beste kolore bateko bertsoa eskatu zitzaion.

Deskribapena

Doinua
Aita izena kanta beharrak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1996-01-27 Donostia Jaialdia [Bertsoa] / Andoni Egaña

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Ispilu aurrean irudiak krak!
Bikoiztearen eztanda;
txiki ez haundi, zatar ez polit,
gorputz normala, bistan da.
Ni ez nago, ez, gorpuzkerian
moda honek erasanda.
Zer da gorputza? Beti animan
euskarri hutsa izan da.
Ni neureakin konforme nago
Jainkoak eman zidan-da. (bis),

Egoera horretan berean, kantaiguk bertso berde bat.

Ispilu aurrean parerik pare
ikusten ditut lau kalbo;
ni behekoekin jarduten naiz-ta,
beraz, goikoak akabo.
Zintzilikaio dalako hori
arra ta erdi ta gehiago;
dutxa ondoko gandua zela
pentsatzen nuen lehenago,
baina ni ikusiz ispilua're
hezetzen hasia dago. (bis)

Bukatzeko, ea bertso beltz bat ateratzen zaian.

Kamisetaren algodoiaren
pelotilaren trastea,
onena nuke loditu arte
zilbor-zuloan uztea.
Azkazal bat det grakaz betea
ta berdin-berdin bestea;
goraizerikan ez det topatzen,
hauxe da gauza tristea.
Beraz, onena makurtu eta
hortzekin mozten hastea. (bis)

Datu-base honetan eskainitako informazioari buruz jakiteko, kontsultatu lege oharra