BDB Bertsolaritzaren datu-basea

Informazio orokorra

Kategoria

Bat-batekoa

Saioa

1996-06-28 Lasarte-Oria Jaialdia

Gai-jartzailea

Aiestaran, Iñigo

Bertsolariak / Egileak

Lizaso, Sebastian

Lujanbio, Maialen

Lana

Binaka gaia-emanda

Jarritako gaia

Zuek biok senar-emazteak zarete. Orain dela bost urte ezkondu zineten eta ezin duzue mundura haurtxorik ekarri. Maialenek adoptatu egin nahi du baina senarrak ez.

Deskribapena

Doinua

Nere gogoa hegan dijoa

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1996-06-28 Lasarte-Oria Jaialdia [Bertsoa] / Sebastian Lizaso, Maialen Lujanbio

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Ia bost urte daramazkigu
geratu gabe negarrez,
ta ume bila Hegoamerikan
han aukera dagoenez.
Handik haurtxo bat ekar dezagun,
eskatzen dizut mesedez;
guretzat poza ekarriko du,
harentzat zer esanik ez.

S.Lizaso:
Ez nuen uste horrelakorik
zenduenikan esango;
haurtxoan bila alfer-alferrik
zertan egin hainbat txango.
Barka emazte baina horrekin
batere ados ez nago,
nahiz ta geurea bezela maite
geurea ez baita izango.

Lujanbio:
Zu bezelaxe guraso asko
daude okertuta zeharo.
gurea ez bada beste umerik
zuk ez zenuke nahiago.
Posesioan zentzu horrekin
ez zabiltz batere ondo;
nik erditua ere ez litzake
zeure umea izango.

S.Lizaso:
Bion artean egindakoa,
gurea zuk badakizu;
etxean ezin eta kanpora
eskean hainbeste mezu.
Txikia dela hainbat maitasun,
hainbat laztan eta musu;
gero galdezka hasten danean
zer esan behar diozu?

Lujanbio:
Umetxo batek zoritxarrikan
guri ez liguke emango;
esplikazioik nik umeari
ezetz ukatu egungo!
Guk erditua ez dela ere
azalduko diot ondo.
Egon seguru, sekula ez digu
gorrotorikan izango.

S.Lizaso:
Kanpoko haurrak ez du heziko
nahi ta ezinaren harra,
nahiz eta pixkat disimulatu
sufrimentuan negarra.
Konformatzeko esaldi zahar bat
daukat berritu beharra:
"haurrak ditunak disgusto asko
ta ez daukanak bakarra. "

Lujanbio:
Hegoamerikan kale gorrian
dabiltza ume gehienak,
guraso batzuk baitaude haurrak
hezi ez ditzaketenak;
ta beste batzuk umeik ez euki
ta bizi ditugun penak!
Bi pieza gera bete-betean
enkaja dezaketenak.

S.Lizaso:
Gaur bezelaxe disputan gera
lehen ere gu sarri jardun;
konponbidea ez dut ikusten
hasieran bezain ilun.
Probatu gabe zer gerta leiken
ez baita jakiten inun,
kostata baina konbentzitu naiz,
aproba egin dezagun.