Bertsoak - Fitxa ikusi Atal honi buruz gehiago jakiteko
1996-04-27 Errenteria Jaialdia [Bertsoa] / Unai Iturriaga, Maialen Lujanbio, Aitor Mendiluze
Bertsoa entzun |
1996-04-27 Errenteria Jaialdia [Bertsoa] / Unai Iturriaga, Maialen Lujanbio, Aitor Mendiluze
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Lujanbio:
Itoizko kanpaldian
guk lanari ekin,
urtegi monstruo hori
behin'e egin ez dedin.
Orain artean asko
ez nekien jakin,
marabillak ein leizke
motozerrarekin. (bis)
Mendiluze:
Marabilla bat dala
batzuen jarduna;
guretzat ez da izan
hortaino txukuna.
Jakin nahi nuke zer den
orain bota duna:
guk hainbeste kostata
eraiki deguna. (bis)
Iturriaga:
Hura egin beharra
kamarak lekuko,
nahiz ta ez nun bizi izan
gertuko-gertuko;
hemen nengoen nire
urak noiz helduko,
hala ere zure kontra
ez naiz altxatuko. (bis)
Lujanbio:
Pertsona bakoitzak du
gaur betsio bana,
baina motozerra hark
egin zuen lana
ta kolpetik arindu
katearen zama.
Ilegalak hautsi zun
ilegala zana. (bis)
Mendiluze:
Hau ilegala dela
denontzat nabarmen;
zuk zeuk ere aitortu
egin dezu hemen,
bainan galdetu behar
beste ezer baino lehen,
gu kalean uztea
legala ote den. (bis)
Iturriaga:
Borregoen gisara
hemen hainbat urte;
guri adarra behintzat
pranko jo digute.
Orain zazpi gazteak
harrapau dituzte.
Del Burgoren etxetik
hartu behar genuke. (bis)
Lujanbio:
Urtegianarekin
ez egon penetan;
jarraitu dezakezu
zuk zure lanetan.
Ta Del Burgo entzun det
ta entzun benetan:
dexente ura bada
hoien piszinetan. (bis)
Mendiluze:
Beraz, gaizki ari da
bat ala besteko,
ta zuek gure kontra
hura izorratzeko.
Ni ere hasiko naiz
piszinak hausteko,
zuk dirurik badezu
hori ordaintzeko. (bis)
Iturriaga:
Langile gaixo hori:
behingoz isildu hadi;
horren kontra altxata
mila nekazari.
Alferrik behar dugu
hauen kontra ari;
urik ez badugu ere
kontzientzia garbi. (bis)
Lujanbio:
Aoizko ingurua
itxura tristeko
ta Erribera berdin
bateko besteko.
Garaia iritsi da
behingoz sinisteko
lur hau ezin dala hil
hura berpizteko. (bis)
Mendiluze:
Hori ezin da egin,
da zuen aukera
ta dena garbitu nahi
horren arabera.
Zuen kontzientzia
ta gure kartera;
zer egin behar degu
hemendik aurrera?
Iturriaga:
Kontzientzirik ez bada
ez da karterarik,
hori erabaki dugu
zortzi nekazarik.
Politikiloei ozen
esan nahi diet nik:
aurten ez duzue jango
gure esparragorik. (bis)
Datu-base honetan eskainitako informazioari buruz jakiteko, kontsultatu lege oharra