Bertsoak - Fitxa ikusi   Atal honi buruz gehiago jakiteko

2011-07-02 Usurbil Jaialdia [Bertsoa] / Sustrai Colina

Bertsoa entzun  

Informazio orokorra

Kategoria
Bat-batekoa
Saioa
2011-07-02 Usurbil Jaialdia
Gai-jartzailea
Usurbilgo Bertso Eskola (Bota Punttuba)
Gai-emailea
Arabaolaza, Imanol "Txatxari"
Bertsolariak / Egileak
Colina, Sustrai
Lana
Bakarka gaia-emanda
Jarritako gaia
Bihar da hainbeste borrokatu duzun finalaren eguna.
Gaiari oharrak
Xalak buruz buruko finala jokatzeko txartela eskuratu zuen. Ebakuntza bat egin behar izan zioten, ordea, eta enpresen ligak ez zion atzerapenik onartu. Egoera horren aurrean Xalak prentsaurreko hunkigarri bat eman zuen, hainbat kide inguruan zituela, eta enpresen liga erabakia aldatzera behartu zuen.

Deskribapena

Doinua
Gogoan daukat ez du aspaldi
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2011-07-02 Usurbil Jaialdia [Bertsoa] / Sustrai Colina

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Bihar da eguna egun haundia
akabo buruhaustea
nahiko nukeena kantxara irten
ta dena bertan uztea.
Finalaurrea irabazi nun
hark eman zidan ospea
baina partida luze ta zail bat
izan zen haren ostea.
Batzuei doble kostatzen zaigu
finalera iristea. (bis)

Zorionean prentsaurrekoan
lagundu zidan jendeak
nere lankide ta enpresakoak
ere izan ziren trebeak.
Nahiz ta enpresak ez konturatu
aurrera doaz mendeak
bukatu dira garai bateko
erabaki zelebreak.
Inori burlik ez egiteko
balio beza nereak! (bis)

Hilabete bat pasa ondoren
soka batetik zintzilik
gaur pentsatzen dut “Eskerrak Xala
ez hintzen egon isilik”.
Bihar izan nahi nuke egun on
eder eta borobilik
ta demostratu hilda zegona
jada ez dagola hilik
ta astelehenean hitz egin bedi
partidari buruz soilik! (bis)

Datu-base honetan eskainitako informazioari buruz jakiteko, kontsultatu lege oharra