Bertsoak - Fitxa ikusi   Atal honi buruz gehiago jakiteko

2011-09-09 Alkiza Jaialdia [Bertsoa] / Amets Arzallus, Igor Elortza

Bertsoa entzun  

Informazio orokorra

Kategoria
Bat-batekoa
Saioa
2011-09-09 Alkiza Jaialdia
Gai-jartzailea
Agirre, Amaia
Bertsolariak / Egileak
Arzallus, Amets
Elortza, Igor
Lana
Binaka gaia-emanda
Jarritako gaia
Espainiako Itzulia martxan da egunotan, eta jakin badakit zuek biok ere oso-oso txirrindularitza zaleak zaretela. Batzuk badira pelotoian ibiltzen direnak, gehiegi nabarmendu gabe, beste batzuk esprintean dira onak, beste batzuk mendian, aldapa behera teknika ona dutenak ere badira, maillotak ere kolore desberdinetakoak dira. Jakin nahiko nuke bertsotan eta egunerokotasunean, zertan zareten onak, txirrindularitzarekin lotuz, nahi baduzue.

Deskribapena

Doinua
Ari naizela ari naizela I
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2011-09-09 Alkiza Jaialdia [Bertsoa] / Amets Arzallus, Igor Elortza

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

A. Arzallus:
Igor bertsotan hasten denean
doinu luzeak hartuta
ze elegante doan aurrera
saltoak eskibatuta!
Regularra da segurua da
puntu asko pilatuta
ze maillot daukan antzematen da
berdera begiratuta. (1)

I. Elortza:
Beraz elkarri gauza politak
dizkiogu guk esango.
Nik Ametsekin bertso bueltatan
egin ditut mila txango
neurri txikian abilagorik
ez da bat inun izango
herio baten jeitsita kurba
denak hartzen ditu ondo.

A. Arzallus:
Har ezazute habanera bat
zortzi puntuko bezala
kuadradua da bere formetan
ez da ez doinu txapala
goitikan behera forma estua
bere bidean doala
badirudi Igorren gorputza
propio egina dala.

I. Elortza:
Eta Ametsi begiratu ze
berezkotasun darion!
Nik txapelketan garaipenaren
trazak han hartu nizkion
goizetik hasi eta regular
ia-ia sua zerion
haraino ondo heldu zen baina
esprinak huts egin zion.

A. Arzallus:
Beraz zu neri begira zeunden
neure kolpe neure esprin
bukaerara iritsi baina
han aurrera egin ezin.
Ni maldetan ibiltzen naiz ondo
hain nago argal ta erkin
esplosibidade gutxi daukat
nik gorputz arin honekin.

I. Elortza:
Baina erlojuan kontra ona zara
ta hortan ohi duzu ekin
mendian berriz parekoik ez da
gure Zubeldiarekin
erregularra Lizaso dugu
maillot hori hura en fin
nik konformatu behar izaten dut
konbatibidadeakin.

(1) Igorrek kamiseta berdea zeukan soinean.

Datu-base honetan eskainitako informazioari buruz jakiteko, kontsultatu lege oharra