Bertsoak - Fitxa ikusi   Atal honi buruz gehiago jakiteko

2012-12-20 Gasteiz Jaialdia [Bertsoa] / Oihane Perea

Bertsoa entzun  

Informazio orokorra

Kategoria
Bat-batekoa
Saioa
2012-12-20 Gasteiz Jaialdia
Gai-emailea
Goikoetxea, Josu
Bertsolariak / Egileak
Perea, Oihane
Lana
Bakarka gaia-emanda
Jarritako gaia
Laurogeita bost urteko emakume zaharra zara. Txikitan etxeko lorategian zuhaitz baten hazia jarri zenuten, eta zurekin batera hazi da zuhaitz hori. Laurogeita bost urteko zuhaitza zen, gaixotu egin da eta moztu egin behar izan duzue. Eta orain, beheko suaren aurrean zaude jausitako zuhaitz hori erretzen.

Deskribapena

Doinua
Beste bateko inularretan
Neurria / Estrofaren izena
Hamabiko handia (hg) / Sei puntuko handia (ip)
Bertso kopurua
2

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2012-12-20 Gasteiz Jaialdia [Bertsoa] / Oihane Perea

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

Ene haritza ene zuhaitza
ene lagun aspaldiko
zenbat konpartitu dugun biok
gaur pentsatzen nerekiko
malko txiki bat erori zait ta
barruko arnasa ito
jakin nahi nuke nire barrua
mantenduko ote den tinko.
Zuhaitza moztu ta egur zatitan
egin zintugun betiko
baina zuk piztu didazun sua
ez da erraz itzaliko.

Bizi izan ditugu maitasunak
bizi izan ditugu gerrak
busti dituzu itxaropenez
eta malkoez bazterrak
zure adarrek ere ikusi
dituzte nire plazerrak
larogeita bost urte luzeetan
hautsi zaitu motozerrak
baina oraindik bizirik gaude
ta ez Jainkoari eskerrak
ta zure ezkurrek baietz guri eman
zuhaixka txiki ederrak!

Datu-base honetan eskainitako informazioari buruz jakiteko, kontsultatu lege oharra