BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Aizpurutxoko Bertso Sariketa (2. 2012. Azkoitia)

Saioa

2012-03-02 Azkoitia Sariketa

Gai-emailea

Akizu, Maialen

Bertsolariak / Egileak

Iturriotz Etxaniz, Amaia

Iturriotz Etxaniz, Mikel

Lana

Binaka gaia-emanda

Jarritako gaia

Zuek biok bikotea zarete, elkarrekin urte dexente daramazuen bikotea. Gaur, ordea, Mikelek Amaiari esan dio zerbait egin beharko lukeela bere itxura aldatzeko.

Deskribapena

Doinua

Maritxu nora zoaz I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2012-03-02 Azkoitia Sariketa [Bertsoa] / Amaia Iturriotz Etxaniz, Mikel Iturriotz Etxaniz

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Iturriotz

Erlazioakin behin
in gendun aurrera
baina ez gabiltz ondo
azkenaldin keba
zeren nere begiek
aspaldi gainera
ez dute erakusten
lehengo neska bera.

A. Iturriotz

Nere gerrialdea
omen da mardula
halakorik ez nuen
espero sekula.
Gogoratzen dizut lehen
esaten zendula
naizen bezelakoa
maite ninduzula.

M. Iturriotz

Baina aldatu naiz nahiz
ematen don pena
eta hartu ezazu
adizu kemena
izan zaitez hemen zu
neskarik onena
nik pagatuko dizut
zirujia dena.

A. Iturriotz

Zirujia ez det nahi
ematen dizut hitz
zu’re zahartu zera ta
pattalago zabiltz.
Nik’e nahiago nuke
hori mila aldiz
ximurretan bakarrik
antzemango balitz.

M. Iturriotz

Gainera azkenaldin
jaten dezu bapo
eta aizu ez zabiltz
Amaia galako.
Nik ere zirujia
det egin beharko
sudur motxegia det
kontu onerako.

A. Iturriotz

Holakoak esaten
zabiltz txorimalo
egingo dezunik’re
ez dakit auskalo!
Ta barkatuko dizut
ez izan txotxolo.
Hala ere gaur sofan
egingo dezu lo.