Bertsoak - Fitxa ikusi Atal honi buruz gehiago jakiteko
2011-12-18 Donostia Txapelketa [Bertsoa] / Alaia Martin, Aitor Sarriegi
| Bertsoa entzun |
2011-12-18 Donostia Txapelketa [Bertsoa] / Alaia Martin, Aitor Sarriegi
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Sarriegi
Aukera da hartarako
ta gaixoak garelako
ez degu zertan dena ukatu
gure gerorako.
Ta esate baterako
haur bat nahi det guretzako
oraindik ere bizitza sortu
dezakegulako. (bis)
A. Martin
Bizitza bera da juez
ta kondena jarri du beltz
nire sabelak ume batekin
maiz egin du amets
ta kasualidade batez
kutsatzean gure kaltez
guk berdin-berdin maiteko dugu
baina jendeak ez. (bis)
A. Sarriegi
Begiratzea ezberdin
seinalatuz behatzekin
badakit zer den eta sortzen du
noski hainbeste min.
Baina ez hitz egin arin
hau zuzena izan dadin
jendeak ez du erabakiko
guk biok zer egin. (bis)
A. Martin
Nire printzipe urdina
Aitor zu zaitut jakina
elkarbanatzen baitugu poza
ta baita’re mina.
Jendea ahazteko grina
neretzako da ezina
zeren jendeak gaixotuko du
Hiesak adina. (bis)
A. Sarriegi
Baina mesedez begira
zazu pixkat urrutira
hamarkadetan joan atzera
ia larogeira
gure bizi maila tira
normalera iritsi da
ta haurra hazterako sendabideak
aurkituko dira. (bis)
A. Martin
Tristura nahi dut urrundu
eta beldurra lurrundu
umea izan behar genuke
ta elkar lagundu.
Hiru bihotz buruz buru
ipiniz gero seguru
Hiesari’re ihes egiten
asmatuko dugu. (bis)
Datu-base honetan eskainitako informazioari buruz jakiteko, kontsultatu lege oharra