Bertsoak - Fitxa ikusi Atal honi buruz gehiago jakiteko
2012-12-15 Bilbo Txapelketa [Bertsoa] / Onintza Enbeita, Jone Uria Albizuri
Bertsoa entzun |
2012-12-15 Bilbo Txapelketa [Bertsoa] / Onintza Enbeita, Jone Uria Albizuri
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
O. Enbeita:
Aupa ni naz Onintza
eta zuk ze izen?
Urduri samar zagoz
zuritxo hain zuzen.
Ni egun baten Madrilen
be han sartu nintzen
eta ohituta nago
kortean ibiltzen.(bis)
J. Uria:
Beraz zu harrotuta
zatoz hona hara.
Madrilen ibilia
noizbaiten baitzara.
Baina esango dizut
aizu diputada:
Madril honen aldean
oso kutrea da. (bis)
O. Enbeita:
Horrenbeste badakit
neska lehendik neuk be.
Hau da tapizeria
que fuerte, que fuerte!
Eduki nahi neuke hemen
nahikoa suberte
bere hiloben gela
zaindu gura neuke. (bis)
J. Uria:
Zure ondoan nago
suertean ditxan.
Irabaziko zaitut
gainera palizan.
Diferentzia baita
dakizuen gisan
Muxikakaoa edo
Getxokoa izan. (bis)
O. Enbeita:
Zuk ez dozu klaserik
ta glamurrik be ez
ta ni munduan asko
ibili izan nazenez
postu hoba batera
egingo dot ihes
zu ezkatzeko pintxe
ni ama de llaves. (bis)
J. Uria:
Ez zaituzte hartuko
Onintza potxola.
Korteetan zenbiltzan
beti hala hola.
Erderaz mintzatuta
borborka odola.
Erderaz ez dakizu ta
ta inglesez nola. (bis)
Datu-base honetan eskainitako informazioari buruz jakiteko, kontsultatu lege oharra