BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (14. 2012)

Saioa

2012-12-15 Bilbo Txapelketa

Bertsolariak / Egileak

Amuriza, Miren

Ibarra, Iratxe

Lana

Binaka gaia-emanda

Jarritako gaia

Ospitalean zaudete ohe banatan elkarren ondoan. Oraintxe eman dizuete diagnostikoa: hilabete gelditzen zaizue. Apur hori aprobetxatzea erabaki duzue. Hiruna bertso, zortziko txikian, Iratxe hasita.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2012-12-15 Bilbo Txapelketa [Bertsoa] / Miren Amuriza, Iratxe Ibarra

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Ibarra:
Hilabete bakarrik
hau ezin da keba!
Aprobetxau behar dogu
gainera topera.
Tinbrea jo ta eskatu
gura neuke zera
gaur gabaz afaltzeko
marisko platera. (bis)

M. Amuriza:
Laguna plan hobea
daukat guretzako
mariskoa astuna
baita triparako:
parapente bat lotu
lepoan edarto
eta kanpantorretik
egin daigun salto. (bis)

I. Ibarra:
Ideia ederragaz
zatoz atakean.
Kanpantorrera goazen
halako batean.
Ideia ez da txarra
hola bat-batean
infartoaz hilko naz
salto egitean.(bis)

M. Amuriza:
Infartoan bilurrik
ez daukagu jada
beraz parapentea
dezagun atara.
Laino artera goaz
zerurik ez bada
eta baldin badago
hegan joango gara. (bis)

I. Ibarra:
Nire azken desioa
triliri tralara
futbolzalea naz ta
ezin ba hor laga:
goazen San Mamesera
Bilbo ikusten hara.
Bueno igual ez ze han
penaz hilko gara. (bis)

M. Amuriza:
Hoba atzeratuta
San mamesko zita.
Ene Iratxe ointxe
estutu jat tripa!
Beste mundura trankil
noa ikusita
neska bat Bizkaiako
txapela jantzita. (bis)