Bertsoak - Fitxa ikusi Atal honi buruz gehiago jakiteko
2012-12-15 Bilbo Txapelketa [Bertsoa] / Jone Uria Albizuri
| Bertsoa entzun |
2012-12-15 Bilbo Txapelketa [Bertsoa] / Jone Uria Albizuri
Kokapena:
XDZ - Xenpelar Dokumentazio Zentroa
Euskal Herritik aritu
ohi naiz ari eta ari
opariak banatuaz
ondo portatu denari
eta ikatza urtean
ibili denari nagi.
Baina Iruñara heltzea
kasi izan da mirari.
Zenbat txalo kaleetan
zenbat animo esaldi!
Eta penaz pentsatu dut
begiratuz jendeari:
Iruñako euskaldunentzat
ni banaiz nahiko opari. (bis)
Ez al da nahiko tristea
barruan daukat arantza.
Nola oreka litekeen
herri hontako balantza?
Nik zer eginik badudan
nahiz izan dudan zalantza
etorri naiz nahiz ta jakin
egoera dela hain latza
dena konponduko dela
dudalako esperantza.
Opari denak utzita
heldu naiz Iruñarantza.
Ikusi nahi e´nautenei
ekarri diet ikatza. (bis)
Datu-base honetan eskainitako informazioari buruz jakiteko, kontsultatu lege oharra