BDB Bertsolaritzaren datu-basea

Informazio orokorra

Kategoria

Bat-batekoa

Saioa

2013-06-27 Asteasu Jaialdia

Gai-emailea

Mujika, Haritz

Bertsolariak / Egileak

Lujanbio, Maialen

Maia, Jon

Lana

Binaka gaia-emanda

Jarritako gaia

Aita-alabak zarete, zu, Maialen, alaba, eta Jon aita. Zure aita adinean aurrera joanda dago, eta gaur klinikara eraman behar duzu urteroko azterketa pasatzera. Zure senideekin eztabaidatu ondoren, erabaki zenuen zuk eramatea, baina ederki damutu zaizu. Autoan sartu eta halaxe esan dizu: “Auto txikiagorik ez al zegoen?”. Gero, Villabonara ailegatzerako “Asko falta al da? Non gaude? Bide erdia baino gehiago egin al dugu?". Andoain parean, nazka-nazka eginda, autobide erdian autoa geratu duzu.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2013-06-27 Asteasu Jaialdia [Bertsoa] / Maialen Lujanbio, Jon Maia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Lujanbio

Dena keja ta marmar
dena zure kalte
isildu’re ez zera ein
Andoainera arte
atta mututu eta
geldik egon zaite
edo residentzin ni
ingresauko naute. (bis)

J. Maia

Haseratik naukazu
buru berotua
hankak ezin luzatuz
gerri gogortua
ta konbertsazioa
ere agortua
eta kendu zazu ja
haize girotua! (bis)

M. Lujanbio

Haizia kenduko det
ezin egin uko
baino bilatuko’zu
beste zerbait truko
beti ibili zera
eoskor moduko
ta urteek ez zaituzte
zu mejoratuko. (bis)

J. Maia

Nola jarri didazu
neguko jertsia?
Ta autobian gelditu
hau atrebentzia!
Nun atera zenuen
txofer lizentzia
zuk nahi dezuna ez al da
nere herentzia? (bis)

M. Lujanbio

Ondo gobenartua
zenuen etxia
larogei urte ta ezin
harturik etsia
hutsaren hurrengoa
zure herentzia
eta bizi zerala
ze penitentzia! (bis)

J. Maia

Gezurra ematen du
zarenik etxeko
ze aldrebesa zeran
aurrekoz atzeko
ez ospital ez etxe
eta ez kotxeko
ez dezu balio ezta
briskan jokatzeko! (bis)

M. Lujanbio

Zenbat balio dezun
atta zuk kalkula
tentsioa igota
hezur batzuk zula
gota omen daukazu
gainera fistula
uste al dezu hogeita hamar
urte dituzula? (bis)

J. Maia

Badauzkat hogeita hamar
ta hogeita hamaika
goizian segarekin
ibili naiz aupa!
Zuk hil behar al dezu
sano zegon aita?
Goazen Asteasura
gaixotzen ai naiz ta. (bis)