BDB Bertsolaritzaren datu-basea

Informazio orokorra

Kategoria

Bat-batekoa

Saioa

2013-07-16 Markina-Xemein Jaialdia

Bertsolariak / Egileak

Ibarra, Iratxe

Paia, Fredi

Lana

Binaka gaia-emanda

Jarritako gaia

Zu, Iratxe, madalena bat zara, eta zu Fredi galleta Maria. Denbora pasatu ahala, zergatik gogortzen da Iratxe madalena, eta Fredi galleta bigundu?

Deskribapena

Doinua

Zazpiak oihal batetik

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2013-07-16 Markina-Xemein Jaialdia [Bertsoa] / Iratxe Ibarra, Fredi Paia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

F. Paia

Nahiz jakituna ez izan oso
bolleriaren zientziaz
ideia batzuk botako ditut
nire izaera nagiaz.
Askok daukagu sukalde armairu
bete galleta Mariaz
ta denboragaz bigundu ohi naz
esnearen nostalgiaz.

I. Ibarra

Beraz bigundu egiten zara
denporaz ta nostalgiaz
eta besteok barriz ez gara
bigun mantentzeko kapaz.
Arazotxoa daukazu antza
neuk legez zuk esneagaz
nik esneagaz pentsatze hutsagaz
gogortu egiten bainaz.

F. Paia

Gure amamek sukalde bete
galleta zuten uneka
mendeetan zehar galletalogiak
eman ditu ehun buelta.
Ni biguntzen naz jaten nauena
ere bigunduz tarteka
gauza bat galleta Maria da
bestea maria galleta.

I. Ibarra

Liburuetan be Magdalena
dabil lehenengo ileran
nahiz ta batzuek nire lakoa
gurago daben aukeran.
Beti negarrez ibili ohi naz
beti kejaka ta teman
ta historia aldatzearren
gogortzea pentsau neban.

F. Paia

Hasia naiz ba zeozer ulertzen
gaur zurekin hara hara!
Zita bibliko bat ekarria
duzu bertatik bertara.
Hura negarrez zebilelako
zu gogortzen omen zara
orduan zure gogortasuna
jarrera feminista da.

I. Ibarra

Beti negarrez ezin da egon
hoba barrea, algara
ta aldatzea pentsatu neban
egun baten beharbada.
Zuk dinozun lez igual batzutan
hau jarrera hori bada
baina txokolatetan bustita
agudo biguntzen gara.

F. Paia

Ta zer gehiago esan litekeen
hementxe nabil ezbaian
bolleriaren transformazioei
zentzu bat aurkitu nahian.
Azken bertso bat abestuko dut
entzuleak uler daian:
barkatu otoi ni jaio nintzen
txokokrispien garaian.

I. Ibarra

Halan ta guzti gozetan doguz
hainbat jenteren barrenak
gu jan ostean uxatzen dabez
hainbatek barruko penak.
Beraz alperrik gogortu eta
biguntzeko emon ordenak
jan daiazala napolitanak
gu maite ez gaituenak!