Bertsoak - Fitxa ikusi Atal honi buruz gehiago jakiteko
2013-12-27 Elgoibar Jaialdia [Bertsoa] / Igor Elortza, Onintza Enbeita
2013-12-27 Elgoibar Jaialdia [Bertsoa] / Igor Elortza, Onintza Enbeita
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Elortza
Egizko ispilua
zarela jakinik
hemen nago galdera
ekidin ezinik:
beti gazte izan nahi dut
ta gaur jakin nahi nik
esaidazu ez dudala
entrada handirik. (bis)
On. Enbeita
Entradak badaukazuz
hortxe zabiz zuzen
ta ia esplikatzen
manejatzen naizen:
nahiko handiak dira
zu hasi onartzen
baina flekilloagaz
ez dira igertzen. (bis)
I. Elortza
Mundu lehiakorra da
bertsolariena
ta batek noski ezin
du eduki dena
Unai interesante
ta Amets onena
ispilutxo ispilutxo
nor da guapoena? (bis)
On. Enbeita
Ai ama baina zenbat
inbidia ta su!
Guapoena aukeratzen
hementxe naukazu
mindu barik esango
deutsut pausuz pausu:
Euskal Herrian Maia
baina Bizkaian zu. (bis)
I. Elortza
En fin entzun beharra
berriz halakorik!
Aurten nik zapaldu dut
sarri gimnasiorik
Olaizolai be egurra
emango diot nik
noiztik ez duzu ikusi
holako besorik? (bis)
On. Enbeita
Besoak gimnasioan
entrenau samarrak
baina mesede gitxi
ein deutse beharrak
nahiz ez diran ikusi
dodazan bakarrak
lodiagoak dira
nire atzamarrak. (bis)
I. Elortza
Ispilu egizko honek
guztia daki-ta
nik galdetu orduko
eiten dit kritika
ia triunfatzen dudan
aldrebes jarrita:
esaidazu ez dudala
ipurdi polita. * (bis)
On. Enbeita
Ta farruco jarri da
orain mutikoa
goitik behera dotore
zelako tipoa!
Gestoa egin dozu
nahiko erotikoa
ta ipurdi bat al da
gerri azpikoa? (bis)
* Bizkarra emanda jarri da hori kantatzearekin batera.
Datu-base honetan eskainitako informazioari buruz jakiteko, kontsultatu lege oharra