Bertsoak - Fitxa ikusi Atal honi buruz gehiago jakiteko
Kontenedoreak [Bertsoa] / Unai Angulo
Kontenedoreak [Bertsoa] / Unai Angulo
Neurria:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2014-02-25
Kokapena:
XDZ - Xenpelar Dokumentazio Zentroa
Irudi hauxe bihurtu zaigu
Arrunta eta ohikoa
ezinbestean arakatzea
kontenedoretakoa
kartoi kutxa bat, hiru pijama
edo Brik-an plastikoa
kobrea eta txatarra bardin
askotan ez da nahikoa
normala balitz hartzen duguna
berez da dramatikoa
Tapa zabaldu eta kiratsa
dator barrutik kanpora
burua sartu eta eskua
luzatu behar hondora
nahiz (e)ta gutxi egon barruan
dagona hartzea hoba
zerbait salduta zerbait erosi
eramateko ahora
gure herrian gertatzen dela
beharko dugu gogora
Kontenedorez kontenedore
egun bat eta hurrena
ogibidean bihurtu leike
derrigorrez hasten dena
askotan bota egiten dela
besteek behar dutena
gizarte honen oreka eza
dugu lotsagarriena
erdia ondo bizi izateko
beste erdia kondena
Datu-base honetan eskainitako informazioari buruz jakiteko, kontsultatu lege oharra