Bertsoak - Fitxa ikusi   Atal honi buruz gehiago jakiteko

2014-02-09 Andoain Jaialdia [Bertsoa] / Beñat Gaztelumendi, Maialen Lujanbio

Bertsoa entzun  

Informazio orokorra

Kategoria
Bat-batekoa
Saioa
2014-02-09 Andoain Jaialdia
Gai-emailea
Beloki, Ion
Bertsolariak / Egileak
Gaztelumendi, Beñat
Lujanbio, Maialen
Lana
Binaka gaia-emanda
Jarritako gaia
Maialenek denda bat du Donostiako Alde Zaharrean. Olatuek ia dena txikitu diote. Laguntza eskatzera joan denean, Beñat, Donostiako alkatea, topatu du pala batekin La Perla aldera doala.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2014-02-09 Andoain Jaialdia [Bertsoa] / Beñat Gaztelumendi, Maialen Lujanbio

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

M. Lujanbio
Olatu ta enbatak
danak parez pare
nere denda xaharra
hautsi du goi ta behe
Juan Karlosek ein behar
hura eta hau`re
Donosti salbatzeko
bakarrik al zaude? (bis)

B. Gaztelumendi
Begira utzitako
zulo sakonean
alkatea ezin da
egon egonean.
La Perlarantza noa
ni nere onean
askoz gutxio ginan
Odon zegonean. (bis)

M. Lujanbio
Zertako izan garai
txar haien akordu?
Odoneri pakean
utziko diogu.
Talasoterapiara
zoaz halamodu
urak trabaik gutxina
hantxe egingo du. (bis)

B. Gaztelumendi.
Baina lokatzak behar
dira erretira
harri zahar bat sartu da
Zentroan erdira
La Perla beti gure
perla denez tira
fotografo guztiak
hara joaten dira. (bis)

M. Lujanbio
Ta nik berriz lokatza
gero ta gorago
Alde Zaharran bizitza
galdua zeharo
eta zu Bildukoa
zera ta akabo!
Argazkiak han baina
herria hemen dago. (bis)

B. Gaztelumendi.
Bilduk beti izan du
elkartzeko plana
baina argazkiek eman
ohi digute fama.
Beraz alper-alperrik
zatoz neregana
urrutirago heltzen
baita auzolana. (bis)

M. Lujanbio
Urak danak jan ditu
Alde Zaharreko ertzak
Aiete alderaino’re
panorama beltzak
gora ta gora ein du
marean lainezak
Igeldon txokoren bat
ba al dezu neretzat? (bis)

B. Gaztelumendi.
Beraz Igeldo behar
da hondoratzea
nire Maialen maite
ondo ari zea
baina atzerritarrak han
zail da onartzea
onena dezu bertan
enpadronatzea. (bis)

Datu-base honetan eskainitako informazioari buruz jakiteko, kontsultatu lege oharra