Bertsoak - Fitxa ikusi Atal honi buruz gehiago jakiteko
2014-02-09 Andoain Jaialdia [Bertsoa] / Unai Agirre Goia
Bertsoa entzun |
2014-02-09 Andoain Jaialdia [Bertsoa] / Unai Agirre Goia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Omenaldi izango omen da
ta andoaindarrak nahasi
ni Jokinekin gogoratuaz
ume garaira noa kasi
guretzat bera txapeldun bat zan
nahiz gutxitan irabazi
puntu erantzuten bera imitatzen
sarri asko nintzan hasi
baina gauz batzuk berezko dira
ezin diranak ikasi.
Ta zer besterik esan behar diot
ezkerrian dagon horri (*)
berakin egin nuen bertsotan
berakin jolas ta korri
ze estimazio diodan berai
ezin aitortu inorri
hamaika urtekin garaitu nuen
bi masailak gorri-gorri
baina geroztik inoiz aurrerik
ez diot hartu Aitorri.
Merezi dute eta ireki
omenaldiko atea
nola dohaiez betea degun
gure bikote maitea:
nahiz txapelketan eta nahiz plazan
beti aurrera joatea
arrazoiketan eta bertsotan
nahi dutena esatea
ta Hernaniko bertso eskolan
ikasiak izatea.
* Atzean eserita dago Aitor Mendiluze.
Datu-base honetan eskainitako informazioari buruz jakiteko, kontsultatu lege oharra