Bertsoak - Fitxa ikusi Atal honi buruz gehiago jakiteko
2014-09-20 Atarrabia Jaialdia [Bertsoa] / Amets Arzallus, Sustrai Colina, Igor Elortza, Jon Maia, Julio Soto
| Bertsoa entzun |
2014-09-20 Atarrabia Jaialdia [Bertsoa] / Amets Arzallus, Sustrai Colina, Igor Elortza, Jon Maia, Julio Soto
Neurria:
Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
A. Arzallus
Anje Duhalderen kanta
entzun izan dut lehenago
gozatu behar horretan
ni neu ere ados nago
baina euskara oraindik ez da
libratutako berbaro
eta orduan kosta egiten da
maitatzea gutxiago.
J. Soto
Elkartasuna ona da
bai badauka boterea
esku ematea ona da
behin askatzea xedea
ta bai maitatu eta gozatu
behar du bakoitzak berea
baina guk orain ja behar ditugu
dirua eta legea.
S. Colina
Gozamena, maitasuna
soka beraren bi alde
ta euskalduna erdian
egin nahian bien alde.
Nik nere hizkuntza beti ikusi dut
edozein hizkuntzan pare
ta egin nahi dut gozatu eta
maitatu beharrik gabe.
I. Elortza
Sarri ta leku askotan
errepikatu ohi den gai
euskararen alde noski
mingaina ez behar beste blai
berdin-berdin da izan hizkuntza
izan kirol izan zernahi
bikotea ere maitatu behar da
ta larrua jo ere bai.
J. Maia
Beraz zer da bikote bat
batere musurik gabe
Euskal Herria ere ez bada
bere hizkuntzaren lurralde.
Urik ez bada zimurtuko da
gure lore ta landare
baina hobe da euskeraz bizi
ta ez euskeraren alde.
Datu-base honetan eskainitako informazioari buruz jakiteko, kontsultatu lege oharra