Bertsoak - Fitxa ikusi Atal honi buruz gehiago jakiteko
2015-01-31 Donostia Jaialdia [Bertsoa] / Maialen Lujanbio
Bertsoa entzun |
2015-01-31 Donostia Jaialdia [Bertsoa] / Maialen Lujanbio
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ikastolako jolastokiak
behar gintun aberastu
baina askotan justizitik ta
legetik horrek eskas du.
Baldin bazera neskato edo
dohai fisikoz eskastu
herren bazabiltz edo ez bazera
lider txikiekin nahastu
baloi jabeak maite ez duna
ezin liteke jolastu.
Beraz jabea bakarra da ta
berak nahi duen bezela
antolatzen da jolastokia
ta antolatzen da gela.
Besteak dira bere meneko
ta bera da erregela.
Gizarte hontan gertatzen zaigu
jolastokian bezela:
zeinek esan zun umek helduak
imitatzen dituztela?
Espazioa eta jokoa
nahi degu geureganatu
ta beste gisaz eta justiziz
gure erara banatu.
Baloi jabe den agintariak
ez gaitzala gu manatu
baloia ostu beharko zaio
eta besteontzat hartu
edo bestela baloirik gabe
beste joku bat asmatu.
Datu-base honetan eskainitako informazioari buruz jakiteko, kontsultatu lege oharra