Bertsoak - Fitxa ikusi   Atal honi buruz gehiago jakiteko

2015-03-08 Alegia Berezia [Bertsoa] / Uxue Alberdi

Bertsoa entzun  

Informazio orokorra

Kategoria
Bat-batekoa
Saioa
2015-03-08 Alegia Berezia
Gai-jartzailea
Iriarte Iribar, Iker
Bertsolariak / Egileak
Alberdi, Uxue
Lana
Bakarka gaia-emanda
Jarritako gaia
Uxue, lagun batek pasarte hau irakurri dit zure liburutik. (Eserlekuetatik testua irakurtzen dute).”Sasoi hartarako ez zegoen Donostiara eta Parisera neskame joateko ohiturarik. Herriko neska asko paper fabrikan enplegatu ziren gutun-azalak egiten. Zenbaitek negozio txikiak ireki zituzten erdialdeko kaleetan. Eta gutxi batzuk unibertsitatera joaten ziren letretako ikasketak egitera.
Ni salbuespena izan nintzen. Hirian bizi zen amaren aldeko izeba bat etorri zitzaigun etxera. Emakume dotorea zen. Balentziagarena omen zen mostaza koloreko berokia erantzi zuena sukaldera sartu orduko. Ama urduri nabaritu nuen janzki hura sarrerako esekitokian zintzilikatzean, bere esku maiztuekin hondatuko zuen beldur balitz bezala. Plastikozko zamauari begiratu azkarra egin zion izebak.
“Klara anderea hilzorian dago” esan zion amari “Konfiantzazko norbait behar dugu hura zaintzeko”.

Deskribapena

Doinua
Haizea dator ifarraldetik
Neurria / Estrofaren izena
Hamabiko handia (hg) / Sei puntuko handia (ip)
Bertso kopurua
3

Edukiari buruz

Pertsonak
Alberdi, Uxue

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2015-03-08 Alegia Berezia [Bertsoa] / Uxue Alberdi

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 


Hor zaintza lanak aipatzen dira
andre baten beharretik
historiako lanik zaharrena
izan liteke horratik.
Lan horrek badu esker onetik
baina badu zigorretik
sarri askotan hutsaren truke
egin da modu txarretik.
Protagonista Donostiara
doa bidetxiorretik
lehen Tolosatik etortzen ziren
ta orain Ekuadorretik.


Zaintza beharra dugu guztiok
ta hau diotsut benetan
ta bereziki zahartzaroan
eta lehenago umetan.
Ta zaintzarako abildadea
andra eta gizonetan
berdin liteke baina ez dugu
gure kontraesanetan
ze normalean emakumea
dabil holako lanetan
komun beltzetan, atze garbitzen
edo zaharren ohetan
edo pureak, fideo zopak
sartuz haien ahoetan…
Zaintza gogoa eta dohaia
ez dator kromosometan.


Ta aldatzeko gaitasunduna
denez giza aberea
alda daitezke tradizioak
alda daiteke legea
gure ustetan horixe baita
feminismoan xedea
andre ta gizon bi aldeetan
sor lezake mesedea
askatasuna eta ardurak
hartu norberak berea
berriz banatu behar ditugu
zaintza eta boterea.

Datu-base honetan eskainitako informazioari buruz jakiteko, kontsultatu lege oharra