BDB Bertsolaritzaren datu-basea

Informazio orokorra

Kategoria

Bat-batekoa

Saioa

2015-08-13 Leitza Jaialdia

Gai-jartzailea

Leitzako Bertso Eskola (Atekaberts)

Bertsolariak / Egileak

Colina, Sustrai

Lujanbio, Maialen

Soto, Julio

Zubeldia, Iker

Lana

Launaka gaia-emanda batek besteei

Jarritako gaia

Diana jotzen duen musikari bat zara, Iker. Goizeko zortzitan diana jotzera atera eta beste hirurak oraindik erretiratu gabe ikusi dituzu.

Deskribapena

Doinua

Eguna pasa nekean eta

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2015-08-13 Leitza Jaialdia [Bertsoa] / Sustrai Colina, Maialen Lujanbio, Julio Soto, Iker Zubeldia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

I. Zubeldia
Diana gendun zortzi t`erditan
lehenbiziko abixua
plaza aldera lasai nijoan
bertan eman det pausua
Julio zaharra han ikusi det
zelebrea da kasua
erraldoiari esaten zion
“Eman zaidazu musua” (bis)

J. Soto
Azkenaldian mutilzahar nabil
ta ez nago bate trankil
beti pentsatzen dut Cupidoren
gezia dudala hurbil
musu bat eskatu eta eman
dizkit bi musu borobil
ni zu bezela festa guztitan
diana jo nahiean nabil. (bis)

I. Zubeldia
Gaur Maialenek berriz utzi nau
ni harriduraz josita
lau egunetan kilo bat gehio
badaukala ikusita
arnas-estuka indartsu zijon
korrika edo jauzika
footing eitera abiatu da
maila arrosak jantzita. (bis)

M. Lujanbio
Gantza pixka bat badet barruan
likido asko aukeran
atera bainaiz biharamunez
abiatua bezperan
txarangan salto ta footing egin
topera zoroen eran
behin batek esan zidan atze hau
ia ba berdintzen dedan. (bis)

I. Zubeldia
Iparraldeko mutiko honek
a zer-nolako eskola!
Antzematen da toreatzea
pixka`t gustatzen zaiola
ordu erdian ta zezen-plazan
ematen zuen farola
bakilla ere ez da akordau
plazan erdian zegola. (bis)

S. Colina
Hiru toreo egin dizkiot
bakilla ñimiño honi
diana jotzaile honek ordea
dena ziri ta ironi
biak batera egingo dugu
behar aina zeremoni
zuk segi zazu txistua jotzen
arpa jotzeko nago ni. (bis)