BDB Bertsolaritzaren datu-basea

Informazio orokorra

Kategoria

Bat-batekoa

Saioa

2015-12-08 Markina-Xemein Jaialdia

Gai-jartzailea

Paya, Xabi

Bertsolariak / Egileak

Paia, Fredi

Lana

Bakarka gaia-emanda

Jarritako gaia

Markinan egon zen fabrika handi bat Esperanza y Compañia izenekoa. Armak eta leherkariak egiten zituen eta ehunka familiak hortik lortzen zuten bizimodua.
1994an gaude eta zu Esperanza y Compañiako burua zara. Hainbat jende kontra duzu, entzun duelako fabrika ixtera zoazela.

Deskribapena

Doinua

Oso polita zara izatez

Neurria / Estrofaren izena

Hamabiko handia (hg) / Sei puntuko handia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2015-12-08 Markina-Xemein Jaialdia [Bertsoa] / Fredi Paia

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Arma fabrika ez ete dogu
horren ogibide latza?
Zuriak egin gero alkar hil
musulmana edo baltza.
Alde batean dirua dago
beste aldean triskantza
ez da erreza orekatzea
balantze horren balantza
almohadarekin kontsultatu ta
ere urtenbide gatxa
konpainia itxi behar baldin badot
piztu daiten esperantza. (bis)

Mila mesede egin deutsoguz
Markinako herriari
soldata eta kontratu ona
Markinako semeari.
Baina munduan zabaldu dogu
arma lazgarri ugari
diktadore ta bihotzik bako
agintarien opari
ta hirugarren mundua urrun
dago ez al da nabari?
Ta bost axola langabezian
behar barik dauenari. (bis)


Beraz hautatu beharra dekot
bihotza ala sakela
gure herrian langabezia
asko haunditu leikela
baina Afrikan errubakoak
hil eingo dira bestela.
Fakturazino oparo honek
hain deko usain ustela
ta jakin bedi gaur kontzientziak
gerra irabazi dauela
ta ahal baldin bada gaurtik aurrera
horrela izan daitela. (bis)