Bertsoak - Fitxa ikusi   Atal honi buruz gehiago jakiteko

2016-11-12 Baiona Txapelketa [Bertsoa] / Sustrai Colina

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
XILABA. Xiberoa, Lapurdi eta Baxenabarreko Bertsulari Xapelketa (5. 2016)
Saioa
2016-11-12 Baiona Txapelketa
Gai-emailea
Itzaina, Joana
Bertsolariak / Egileak
Colina, Sustrai
Lana
Bakarka gaia-emanda kartzelako-lana
Jarritako gaia
Amildegia sentitu duzu aitzinean. Jauzi egitea deliberatu duzu.

Deskribapena

Doinua
Eguzkiak urtzen du han goian B
Neurria / Estrofaren izena
Hamaseiko handia (hg) / Zortzi puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2016-11-12 Baiona Txapelketa [Bertsoa] / Sustrai Colina

Neurria:  Hamaseiko handia (hg) / Zortzi puntuko handia (ip) 
Kokapena:  XDZ - Xenpelar Dokumentazio Zentroa 


Ostatu baten ezautu ginen
dena ginun haize alde.
Nik nahi al duzu? galdegin nion
ta ez zidan egin alde,
gero ezkondu ginen elizaz,
apaiz, eraztun, aldare,
bi seme-alaba izan ditugu
jada koskortuta daude.
Azkenaldian gara batera
gabiltzan bi bakardade
elkarrentzako ez amodio
ta ez sensibilidade
gaur lehen aldikotz amildegia
sentitu dut parez pare
nere buruai galdegitean:
Zer ote naiz bera gabe?

Garai onenak hegan zergatik
joaten dira iheska?
Zergatik gorde ohi ditut hitzak
zintzur ertzean trabeska?
Ez ote nuen betiko maite
behar bihotzeko neska?
Sexua fini zen momentuan
ez ote zen aski siesta?
Zergatik egin behar dut alde
lehertutakoan tenpesta?
Irensten segiz gero egingo
ote dut hemen gainezka?
Ez ote nabil burua galtzen
nere buruai galdezka?
Amildegia daukat aurrean
ta azpian sarerik ez da.

Ai, ze zaila den berriz piztea
behin hezetutako metxak!
Zer esanik gorpuztu ezkero
susmoak edo sospetxak
dibortziatuak nahiz marjinatzen
ditun jendeak ta prentsak
zer eginen dut behin honezkero
fini badira sorpresak
bere ondoan lo egiten dut
beste batekin ametsak,
ta bertigoa emanagatik
amildegi sakon beltzak
alde egitea erabaki dut
zintzotasuna legetzat
askoz hobea izanen baita
neretzat eta beretzat.

Datu-base honetan eskainitako informazioari buruz jakiteko, kontsultatu lege oharra