BDB Bertsolaritzaren datu-basea

Informazio orokorra

Kategoria

Bat-batekoa

Saioa

2016-03-06 Biriatu Jaialdia

Gai-jartzailea

Karrika, Aimar

Bertsolariak / Egileak

Arzallus, Amets

Egaña, Andoni

Lujanbio, Maialen

Maia, Jon

Soto, Julio

Lana

Binaka gaia-emanda

Jarritako gaia

Saio honetako afitxan Andoni azaltzen da irakasle moduan eta besteak ikasle gisara. Galdetu Andoniri nahi duzuena eta berak erantzungo dizue.

Deskribapena

Doinua

Eguna pasa nekean eta

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2016-03-06 Biriatu Jaialdia [Bertsoa] / Amets Arzallus, Andoni Egaña, Maialen Lujanbio, Jon Maia, Julio Soto

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

J. Maia
Zuk fisikaz ta zahartzaroaz
omen dakizu hainbeste
eta prozesu biologiko
batekin zenbat kontraste
zalantza haundi bat daukat barnean
eta nator erantzun eske:
berrogeita hiru urte dauzkat ta
zergatik nago hain gazte? (bis)

A. Egaña
Galdera hori zaila da baina
banoa erantzutera
berrogeita hiru urte dauzkat nik
hau, hori, bestea, zera.
Ikuspegia ez da izaten
beti berdin ta antzera
zeure ustetan gaztea zaude
besteontzat ume zera. (bis)

M. Lujanbio
Beti aditu aurpegi horrekin
gure ikasgela ixkinan
zuk dena dezu liburu hemen
eta dena jakin-min han
eta hainbeste jakiteko zu
sortuko zinen antzinan
Big-Bagna lehertu zen momentuan
zu ja jaioa al zinan? (bis)

A. Egaña
Galdera zaila eiten du beti
Maialen hori ze prenda!
Gaur ere galdera latza bota du
altareraino irtenda.
Barkatu baina ezin argitu
dizut Big-Bagnan leienda
hain xuxen ere ni urte hartan
soldaduskan nengoen-da. (bis)

A. Arzallus
Zuk dirudizu diszipulua
Platonen ta Socratesen
esan didate bi urterekin
hasi omen zinen letzen
amaren tripan ari omen zinen
amari gauzak galdetzen.
Nik beste gauz bat jakin nahi nuke:
noiz hasi zinen erretzen? (bis)

A. Egaña
Erretzaile naiz antzeman dezu
neronentzako kaltian
egi askorik ez da joaten
nere hitz hauen tartian
baina erretzeaz egi haundi bat
botako det bapatian:
ni soldaduskan hasi nintzala
Big-Bagna izan zen urtian. (bis)

J. Soto
Zaunka esaten zaio zakurrak
egiten duen hitzari
irrintzi deitzen zaio zaldiak
egiten duen hotsari
marraka deitzen zaio ardia
hasten denean kantari
ordea nola esaten zaio
xaguak eiten dunari? (bis)

A. Egaña
Era hortako galdera zailik
Julio ez egin mesedez
hemen jendea jarri baitezu
jakin-minez, irriparrez.
Izan liteke cha cha cha, tango
igual jazz eta igual ja ez.
Ardiak kantuz egiten badu
xaguak zergatikan ez? (bis)