Bertsoak - Fitxa ikusi   Atal honi buruz gehiago jakiteko

2016-06-08 Bilbo Berezia [Bertsoa] / Uxue Alberdi

Bertsoa entzun  

Informazio orokorra

Kategoria
Bat-batekoa
Saioa
2016-06-08 Bilbo Berezia
Gai-jartzailea
Alberdi, Pedro
Bertsolariak / Egileak
Alberdi, Uxue
Lana
Bakarka gaia-emanda
Jarritako gaia
“Dezepzioa” hitza ez dator euskal hiztegietan. Zer da zuretzat dezepzioa?

Deskribapena

Doinua
Ilun ikarak azken argia
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2016-06-08 Bilbo Berezia [Bertsoa] / Uxue Alberdi

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Bizitzan zehar tokatu ohi da
holako batzuk batzea
batzuek aurre iten diete
besteek eman atzea.
Langa oso goian jartzea da hori
goian jartzea katxea.
Dezepzioa da ilusioei
tamainarik ez hartzea.

Izaeraz naiz nahiko beroa
Haserrekoia, suharra
ta halakotan tokatu ohi da
batzuek jaso beharra
baina halere nei segituan
loratzen zait irriparra.
Dezepziotik gutxi izan dut
edo memoria txarra.

Nik ere gora begiratzen dut
ilusioen eskale
beti izan naiz lortu ezin den
altxor urrun horren zale
eta bizitzak esanagatik
batzutan alto ta bale
dezepzioak dituen horrek
amesten duen seinale.

Datu-base honetan eskainitako informazioari buruz jakiteko, kontsultatu lege oharra