Bertsoak - Fitxa ikusi Atal honi buruz gehiago jakiteko
2016-06-29 Mungia Jaialdia [Bertsoa] / Arkaitz Estiballes
| Bertsoa entzun |
2016-06-29 Mungia Jaialdia [Bertsoa] / Arkaitz Estiballes
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Estiballes
Tomas Linaza izena etortzen
zait burura parez pare
Mikel Zabalza Bidasoako
uretan itota bare
Unai Romano, bere aurpegia
mugitua aldez alde
zein Kepa Urra, zerrenda hortan
dauden bi ondorio grabe:
gure herriaren memori hontan
izenak egon badaude
ta zenbat kasu egongo dira
izen ta abizen gabe?
Intxaurrondoko pasillo baten
lehen kolpeak ta barrura
elektrodoen antza ei daukan
bateri baten itxura
zazpi urtetan aldatu ez duten
bainera bateko ura
edo oihu bat damu zaitzana
etorri izanaz mundura
edo pomada soil bat ematen
ei dizun forentse hura.
Gauza guzti hoiek ta askoz gehiago
izan daiteke tortura.
Edozer gauza egin zitekeen
gerra baten izenean
eta ez ziren kasu aislatuak
baizik sistema barnean.
Forentse batek lau mila izen
bildu ditu azkenean
eta bidean darrai gehiago
irten leikezan planean.
Isildu barik jarrai dezagun
bide hortatik lanean
herri bat ezin baitogu sortu
isiltasunen gainean.
Datu-base honetan eskainitako informazioari buruz jakiteko, kontsultatu lege oharra