BDB Bertsolaritzaren datu-basea

Informazio orokorra

Kategoria

Bat-batekoa

Saioa

2016-09-11 Heleta Lagun-artekoa

Gai-jartzailea

Alkhat, Xan

Bertsolariak / Egileak

Arzallus, Amets

Lana

Bakarka gaia-emanda

Jarritako gaia

Lehen Ameriketara edo Euskal Herritik kanpo joaten zirenean, etxearen izena hartzen zuten askotan. Badaude adibide anitz eta deiturak ere: Etxegoien, Goienetxe edo... Galdera da: nola, zure ustez, etxea jendearen izatearen parte bilakatzen da?

Deskribapena

Doinua

Gogoan daukat ez du aspaldi

Neurria / Estrofaren izena

Hamarreko handia (hg) / Bost puntuko handia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2016-09-11 Heleta Lagun-artekoa [Bertsoa] / Amets Arzallus

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Jende gazte ta zahar ainitzek du
bere etxea ohora
bere sukalde ta bere atari
berdin behera berdin gora.
Etxeak beti baduke su bat
ta han pasatzen da denbora
etxeak badu oinarri on bat
ganbara, teila, hondora...
Hori eztea pertsona baten
barnearen metafora? (bis)

Aitatxirekin pasatu ditut
etxean zenbait urtaro
amatxirekin su bazterrean
bere ipuin, bere aho.
Edo lagunak zuhaitz batetik
behera begira igaro
etxeak badu bere paisaia
joaten dena barnago
gu oroitzapenez eginak gira
haragiz baino gehiago. (bis)

Etxea eta gure izaitea
lotzen ziren garaietan
lau belaunaldi bizi zitezkeen
agian etxe beretan.
Orain gazteak bizi gintezke
lau etxe desberdinetan
gure etxeak bere izaiterik
ez dakar gure barnetan
gure izaitea ematen dugu
bizi garen etxeetan. (bis)