Bertsoak - Fitxa ikusi Atal honi buruz gehiago jakiteko
2016-11-10 Iruñea Jaialdia [Bertsoa] / Amets Arzallus
| Bertsoa entzun |
2016-11-10 Iruñea Jaialdia [Bertsoa] / Amets Arzallus
Neurria:
Hamabikoa, ertainaren moldekoa, 6 puntuz (hg) / Sei puntukoa, ertainaren moldekoa (ip)
Kokapena:
XDZ - Xenpelar Dokumentazio Zentroa
Nahiz batzutan tristetu
ta bestetan mingostu
beti ari zen ongi
egiten dut apostu
nahiz gerora Amurizak
bertsogintza zorroztu
Andonik goruntz eraman
Maialenek gu poztu
nahiz bertso molde hura
orain pixka’t arroztu
Xalbadorren ur epela
oraindik ez da hoztu.
Mendian zaildu eta
hala joan zen gogortzen
eta bertsoen bidez
pixkana Xalbadortzen.
Hitzez erakusten zuen
bere barnean nor zen:
autokritiko gogorren
ezpatetan zorrotzen
bere zaurietarik
ari zen ezti sortzen
eta haren ezti hori
ez da inoiz agortzen.
Nahiz denbora aurrera
doan bere pausoan
ta herria aldatu
baina ritmo mantsoan
oraindik hor gabiltz bere
bertso sorten altzoan
egun Iruñean bainabil
izan nintzen atzo han
eta bakoitza bere
bertso bide zintzoan
denok segitu dezagun
odolaren mintzoan.
Datu-base honetan eskainitako informazioari buruz jakiteko, kontsultatu lege oharra