Bertsoak - Fitxa ikusi   Atal honi buruz gehiago jakiteko

2017-11-01 Irun Txapelketa [Bertsoa] / Unai Agirre Goia, Maialen Lujanbio

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (17. 2017)
Saioa
2017-11-01 Irun Txapelketa
Gai-jartzailea
Gai-jartzaile Taldea
Gai-emailea
Berriozabal, Maite
Bertsolariak / Egileak
Agirre Goia, Unai
Lujanbio, Maialen
Lana
Binaka gaia-emanda
Jarritako gaia
Petrolio ontzi bateko langileak zarete. Hilabeteetan itsasoan lanean ibili eta gero, oraintxe ari zarete porturatzen. Etxekoak zain dituzuela ikusi duzue.

Deskribapena

Data
1970-01-01
Doinua
Ama Birjina Erkudengoa I
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2017-11-01 Irun Txapelketa [Bertsoa] / Unai Agirre Goia, Maialen Lujanbio

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


U. Agirre:
Gogoratzen naiz egun gris baten
etxetik ginan atera
orain kaiean ikus nezake
nere semetxua bera
telefonotik jardun gera lehen
orain aurrez aurre gera.
Aizu Maialen barruan ditut
poza ta kezka batera.

M. Lujanbio:
Ba nik nahi nuke baino halere
pozik ezin nezake har
itsas handian galduta gabiltz
sei hilabetean zehar
ia etxekoak arroztu arte
lokarriak dira mehar
ta orain pixka bat ohitutakoan
berriz alde egin behar.

U. Agirre:
Andreari bai baina txikiei
esplikatzen ez da errez
hiru eta sei urte dituzte
eta badakite aurrez
ongi etorriya nahiz eta egin
ospakizun eta urrez
hamabost egun egoten dira
noiz joango geran beldurrez.

M. Lujanbio:
Diferentzia galanta beraz
jasotzeko moduetan
gu ezin ohituz ibiltzen gera
lehenbiziko orduetan
gero sendia elikatu nahiz
lur ia agortuetan
ta bitartean desioa ta
pasioa portuetan.

U. Agirre:
Petrolioak mugitzen ditu
enpresak eta autoa
nik itsasoa egiz maite det
ez det horren gorrotoa.
Lehen esan degu joatea dela
familian oztopoa
besarkatzera noa korrika
eta gero gerokoa.

M. Lujanbio:
Joan zaite ta goza ezazu
aukeran dezun apurra
guk ere ardo zuri batekin
bustiko degu zintzurra.
Hamabost egun ta berriz bueltan
jartzerik ez da ziurra
joateko ez det gogorik baina
geratzeko ere beldurra.

Datu-base honetan eskainitako informazioari buruz jakiteko, kontsultatu lege oharra