BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-11-04 Maule-Lextarre Txapelketa

Gai-jartzailea

Gai-jartzaile Taldea

Gai-emailea

Jauregi, Saroi

Bertsolariak / Egileak

Ibarzabal, Nerea

Soto, Julio

Lana

Binaka gaia-emanda

Jarritako gaia

Pisu-kideak zarete. Nerea, Juliok biziki maite ditu margolanak. Egongela koadroz beteta daukazue, eta beste bat dakar eskuetan gaur.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-11-04 Maule-Lextarre Txapelketa [Bertsoa] / Nerea Ibarzabal, Julio Soto

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

N. Ibarzabal:
Juliok artearekin
zenbat konpromezu
gaur arte ez naiz izan
inoiz ere kexu.
Oin puntu beltz bat duen
berri bat daukezu
ez zaituztet ulertzen
ez kuadroak ez zu. (bis)

J. Soto:
Puntua da bukatu
ta zerbait hasteko
nere akuarela
ta nere boceto
entrenatzen ari naiz
batekoz besteko
egunen batean bat
zuri egiteko. (bis)

N. Ibarzabal:
Beraz retratoekin
zabiltza laguna
mugatu xamarra da
zure etorkizuna
nire irudiarekin
egingo duzuna
ze ertzetatik irteten
zait edertasuna. (bis)

J. Soto:
Eder zaude ikusten
zaitudan aldiro
batzutan poz-pozikan
eta positibo
beste batzutan triste
ez dagola giro
jarri behar ditut hiru
puntu suspentsibo. (bis)

N. Ibarzabal:
Ze ni inpresionista
naiz benetan hara
eta denborarekin
ohartuko zara.
Kuadro bat sartu duzu
ia nire gelara
benetan nahi duzuna
ni joatea da. (bis)

J. Soto:
Hemen nere kuadroez
ta begira aizu!
Itxurakerietan
ni nintzela maisu.
Gero ta kuadro gehio
pintatzen jo ta su
egiaz ohartzea
pixka’t kosta zaizu. (bis)