BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-11-12 Durango Txapelketa

Gai-jartzailea

Gai-jartzaile Taldea

Gai-emailea

Ugalde, Amaia

Bertsolariak / Egileak

Amuriza, Miren

Mendiluze, Aitor

Lana

Binaka gaia-emanda

Jarritako gaia

Pisukideak zarete. Miren, Aitor animatu zenuen tango ikastaro batean izena ematera. Orain, etxean tarte bat duzuen bakoitzean entseatu nahi duela esaten dizu.

Deskribapena

Doinua

Durangotik gorako

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-11-12 Durango Txapelketa [Bertsoa] / Miren Amuriza, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Amuriza:
Nahiz dituzun ritmo ta
pausaje eskasak
egongelan egin nahi
dantzaldi demasak
beti ez dira izaten
zurekin errazak
nire ordez ez al dizu
balio erratzak? (bis)

A. Mendiluze:
Erratzak balio dun
Miren zure partez
berdin moldatuko naiz
bietako batez
baina zu jardun zinen
noizbait borondatez
ta orain ordainetan zeu
animatu zaitez. (bis)

M. Amuriza:
Animatu zintudan
ta neure kaltean
izan da azkenean
Aitor bat-batean.
Ez dizut lagunduko
bien bitartean
ahoan larrosa bat
ekarri artean. (bis)

A. Mendiluze:
Klabelin bat badaukat
eta ez da gutxi
dena egun batean
ezin erakutsi.
Ekar zazu eskua
ta gerritik eutsi
zapaldu nere oinak ta
eramaten utzi. (bis)

M. Amuriza:
Zapaltzea nahi duzu
Aitor hau da marka!
Ados, banator egin
ez daizun bakarka
zure gainean nago
baina barka, barka
zer dela ta dauzkazu
belaunak dardarka? (bis)

A. Mendiluze:
Beldurra izatea
ez al da zilegi?
Hurrengo pausoaren
arrazoia bedi
hanka hanka tartean
sartuidazu neri
altxa takoia baina
ez altxa gehiegi. (bis)