Bertsoak - Fitxa ikusi   Atal honi buruz gehiago jakiteko

2017-12-17 Barakaldo Txapelketa 16:30 [Bertsoa] / Igor Elortza

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (17. 2017)
Saioa
2017-12-17 Barakaldo Txapelketa 16:30
Gai-jartzailea
Gai-jartzaile Taldea
Gai-emailea
Jauregi, Saroi
Bertsolariak / Egileak
Elortza, Igor
Lana
Bakarka gaia-emanda
Jarritako gaia
Lotsa dela eta, gauza asko utzi dituzu egin gabe bizitzan. Clown ikastaro batean eman duzu izena.

Deskribapena

Doinua
Gai horrek badu mamia
Neurria / Estrofaren izena
Hamabiko ertaina (hg) / Sei puntuko ertaina (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2017-12-17 Barakaldo Txapelketa 16:30 [Bertsoa] / Igor Elortza

Neurria:  Hamabiko ertaina (hg) / Sei puntuko ertaina (ip) 
Kokapena:  XDZ - Xenpelar Dokumentazio Zentroa 


Umetan zein gaztaroan
zer suma ta zer gerta
lanean seriedadea
ta etxean oreka
lagun arteko liskarrik
balitz elkarrizketa
antiojuek ipinia
serio etiketa.
Clown ikastarora egin
gura nuen nik buelta
aspergarria izaten
aspertu nintzen eta! (bis)

Nahiz ta hasieran lotsa
neukan hara joateko
irri-terapi horrekin
gero askoz hobeto
beste hainbat seriorekin
jarririk bekoz beko
kasik barrez lehertu gara
orduan bai ederto
sudur gorri bat ipini
behar izan dut tarteko
sudur puntan jartzen zaidan
guztia egiteko. (bis)

Eta ni nintzelakoan
berez, neurez, goibela
sudurtxo bat ipinita
grazioso itzela
bizitza osoak buelta
emango du horrela
ze barru-barruan neukan
pailazoan papela.
Abisatu egingo diet
Igor badatorrela
etxean eta lanean
prepara daitezela! (bis)

Datu-base honetan eskainitako informazioari buruz jakiteko, kontsultatu lege oharra