BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-12-17 Barakaldo Txapelketa 16:30

Gai-jartzailea

Gai-jartzaile Taldea

Gai-emailea

Jauregi, Saroi

Bertsolariak / Egileak

Mendiluze, Aitor

Lana

Bakarka gaia-emanda kartzelako-lana

Jarritako gaia

Bada ordu-erdi auto bera atzetik duzula.

Deskribapena

Doinua

Itsaso hori dago zatarra

Neurria / Estrofaren izena

Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-12-17 Barakaldo Txapelketa 16:30 [Bertsoa] / Aitor Mendiluze

Neurria:  Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Etxetik ezin lasai atera
ezin lasai joan lagun artera
ez lanera ta ez umeekin
arratsaldean parkera (bis)
beti gertu nor ote da?
Nor da gurekin batera?
Hara berriz auto bera!
Noiznahi gelditu, noiznahi miatu
maleteroa, papera
bat ohitu ere egin daiteke
susmagarri izatera. (bis)

Garai batean ETA zen etsai
orain ordea hortatik lasai
baina besteek jarraitzen dute
erbia noiz altxako zai. (bis)
Lanak lan, garaiak garai
pakeak bidean darrai
ta ez dira ulertzeko gai
herrigintzatik eraikitzeko
ahaleginean nabil bai!
Agian hori da arazoa
ez dute eraikitzerik nahi. (bis)

Zenbat iritzi ta zenbat froga
ta zenbat gezur batzuk ahora
baina aldatzen hasteko unea
ere ez al da izango ba? (bis)
Hara, hona, behera, gora
zer zatoz nere ondora?
Ez galdu zure denbora.
Edo bai galdu zu hor ikusiz
parre egingo det gustora:
ni ez baldin banaiz mugitzen dena
beste norbait izango da. (bis)