2018-12-01 Lekeitio Txapelketa [Bertsoa] / Ander Elortegi, Jone Uria Albizuri

Berbalagun talde baten zagoze. Zuk Jone, euskara praktiketako emon zendun izena eta Anderrek zuei laguntzeko. Jone, Ander isildu barik ibilten da beti, zuei berbetan itzi barik.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2018-12-01 Lekeitio Txapelketa [Bertsoa] / Ander Elortegi, Jone Uria Albizuri

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

J. Uria
Zure txiste, istorio
aditu beharko
ez dituzu ta uzten
beste baterako
asko hitz egiten duzu
Ander aukerako
belarriprest naiz baina
ez hainbesterako. (bis)

A. Elortegi
Antza ematen nabil
kristoren matraka
ta behingoz isiltzeko
egin dit zarata
euskara ikasteko
aukera aparta
zu belarriprest eta
ni berriz naiz txapa. (bis)

J. Uria
Bai, txaparekin zaude
nahikoa gustura
berez ba omen duzu
nahiko abentura
ta dena kontatzeko
duzunez ohitura
kontau mutu geratu
zineneko hura. (bis)

A. Elortegi
Oraintxe zetorren ba
horretxen zatia
Lekitxora etortzea
zure erabakia
isilik egotea
ez da aitzakia
ez baituzu ulertzen
gure euskalkia. (bis)

J. Uria
Zuen euskalki honek
ni jartzen nau traban
ta zuk ere apur bat
nire azken boladan
kantuz ikasi baietz
zuk arrapaladan:
isilik egotea
zeinen ederra dan. (bis)

A. Elortegi
Umore onez hona
ni etorri nintzen
eta gela honetan
ja ez naiz kabitzen
orain hor zaude Jone
zu indarrak biltzen
ta goizeko lauretan
ez zara isiltzen. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko