Bertsoak - Fitxa ikusi   Atal honi buruz gehiago jakiteko

2018-12-15 Bilbo Txapelketa [Bertsoa] / Miren Amuriza, Aitor Bizkarra

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-12-15 Bilbo Txapelketa
Gai-emailea
Anzorandia, Idoia
Berriozabal, Maite
Bertsolariak / Egileak
Amuriza, Miren
Bizkarra, Aitor
Lana
Binaka gaia-emanda
Jarritako gaia
Gurasoak zarie. Zuen 5 urteko umea aluagaz jaio zan. Gaur bera mutila dala eta mutil moduan tratetako eskatu deutsue. Aitor, Mirenek esan deutsu ez dakiela zelan jokatu.

Deskribapena

Doinua
Zer da gaur Donostian
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-12-15 Bilbo Txapelketa [Bertsoa] / Miren Amuriza, Aitor Bizkarra


Kokapena:  XDZ - Xenpelar Dokumentazio Zentroa 


A. Bizkarra
Ni ere sekula ez naiz
gai honetan jardun
baina alaba hartu
beharko da leun
ze beraren alua
baitu ezezagun
nik zer esango diot ba
hain da bihotz bigun
eta hain klaru badu
babestu dezagun. (bis)

M. Amuriza
Haseran pentsau neban
“Zergatik? Zergatik?”
Ordea umea dago
hor zalantza barik
eta halere Aitor
zer egin ez dakit
haurrek ikasi ohi dabe
gurasoengandik
ta oin geuk ikesi behar
umearengandik. (bis)

A. Bizkarra
Gai hauek tabu ziren
Mirentxu gazterik
jada ez nuen uste
hontaz ikasterik
baina hala egin behar
ez jarri tristerik
baina orain eskolan
jarri naiz usterik
ez duela izango
iseka besterik. (bis)

M. Amuriza
Gaiaren bueltan dabil
horrenbeste jende
baina zaila da eukitzen
ai, burua tente.
Eskolan barre egin
ta ezin asebete
badakit ezin dala
ta nekeak neke
ahal baneu beragaz
joango nintzateke. (bis)

A. Bizkarra
Baina ezin zara joan
niri ez adarra jo.
Eskolan bada zenbait
kankailu, arraio.
Neska gorputzarekin
mutiko bat jaio
alperrik dira hainbat
terapi ta saio
nortasuna garatzen
utzi behar zaio. (bis)

M. Amuriza
Konbentzitzen hasia
naz laztana jada
ta aurrera egingo dogu
orain trabak traba.
Gure umeak zer dan
argi zer dakar ba?
Beraz zati bi egin
behar honen karga
guraso izaten ere
ikasi ein behar da. (bis)

Datu-base honetan eskainitako informazioari buruz jakiteko, kontsultatu lege oharra