Bertsoak - Fitxa ikusi   Atal honi buruz gehiago jakiteko

2018-12-15 Bilbo Txapelketa [Bertsoa] / Aitor Bizkarra

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-12-15 Bilbo Txapelketa
Gai-emailea
Anzorandia, Idoia
Berriozabal, Maite
Bertsolariak / Egileak
Bizkarra, Aitor
Lana
Bakarka gaia-emanda
Jarritako gaia
Urteak dira betiko lagun kuadrillatik urrundu zinela. Gaur, aspaldiko partez, kuadrillako bazkarirako gonbidapena jaso dozu. Oraindik ez dozu erantzunik emon.

Deskribapena

Doinua
Lurraren pean sar nindaiteke
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-12-15 Bilbo Txapelketa [Bertsoa] / Aitor Bizkarra


Kokapena:  XDZ - Xenpelar Dokumentazio Zentroa 


Maiz goitik behera nirekin egin
izan zuten umorea
eta isilik gelditzen nintzen
ni emanaz amorea.
Gero ikasketak kanpoan egin
joateko adorea
lagun berriak egin nituen
motiboa da doblea
ta orain deia jaso berri dut
zuritu zait kolorea
ring-ringka dabil eta dardarka
patrikan daukat gordea
akaso hartu beharko nuke
ez dut hartuko ordea. (bis)

Kolpeek utzi ninduten hutsik
ta irainez zaku bete
pentsatzen nuen "Aitor, ai eutsi
bihurtu behar duzu fuerte!"
Berlinerako hartu ninduten
ikasteko, ze suerte!
Egia esan orain hobea
naizela esan liteke
mariskada bat egin nahi dute
ta joateak ze neke
eta gainera egin kontuak
ez da aterako merke!
Haiek lanpernei eta nik berriz
haiei kenduko nieke. (bis)

Kenduko nieken hori zer ote?
Bai, burua, ez da pena
haiek sarritan hil gabe ere
sartu didate eztena
erlea behintzat hil egiten da
hor izaten du azkena
ta nik azkena gaur izango dut
ez bainaiz salbuespena.
Haien begitan egon dadila
malkoaren aztarrena
lagun berriak egin ditut nik
Alemanian barrena
lagun taldea familia bat da
aukeratu litekeena. (bis)

Datu-base honetan eskainitako informazioari buruz jakiteko, kontsultatu lege oharra