Bertsoak - Fitxa ikusi   Atal honi buruz gehiago jakiteko

2018-08-13 Leitza Jaialdia [Bertsoa] / Aitor Mendiluze

Bertsoa entzun  

Informazio orokorra

Kategoria
Bat-batekoa
Saioa
2018-08-13 Leitza Jaialdia
Gai-jartzailea
Intxausti, Ane
Bertsolariak / Egileak
Mendiluze, Aitor
Lana
Bakarka gaia-emanda
Jarritako gaia
Euskara planak egiten ari gara beti. Euskararen inguruko kale neurketak, ikasteko diru laguntzak, Euskaraldia martxan jarriko da... eta gero tabernetan reaggetoia gazteleraz besterik ez da entzuten.

Deskribapena

Doinua
Ai hori begi ederra A
Neurria / Estrofaren izena
Zortzikoa, berdinaren moldekoa, 7 puntuz (hg) / Zazpi puntukoa, berdinaren moldekoa (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2018-08-13 Leitza Jaialdia [Bertsoa] / Aitor Mendiluze

Neurria:  Zortzikoa, berdinaren moldekoa, 7 puntuz (hg) / Zazpi puntukoa, berdinaren moldekoa (ip) 
Kokapena:  XDZ - Xenpelar Dokumentazio Zentroa 

A. Mendiluze

Euskara ahul dagola
ta galdetzen degu “Nola?
Ezin da galdu inola”.
Euskalduntzeko planak prestatu
gazteak eta eskola
baina indartzerik hola
badakigu ez zegola
ez zaigulako ajola.

Espainolaren demanda
geure gogoa izan da.
Horrela bada esan ba!
Zertan gabiltza disimulatzen
lagun artera joanda?
gero geure propaganda
paparra puztu ta danba
itxura hutsa izanda.

Sarri erdera ahora
eta reggetoia gora
hola ez goaz inora.
“Ez da galduko” diogu baina
nola ez da galduko ba?
Euskera doa zulora
ta galtzen bada gerora
geure erruz izango da.

Erabileratan behera
zerotik azpi aldera
ta “Zergatik” da galdera.
Ba hitz egiten degu entzuten
degunaren arabera
ahalegintzea sobera
itxura hutsa da bera...
Baina euskaldunak gera.

Datu-base honetan eskainitako informazioari buruz jakiteko, kontsultatu lege oharra