2019-09-22 Zumaia Txapelketa [Bertsoa] / Jokin Bergara, Unai Muñoa

Senideak zarete. Osaba mutilzaharra hil berri da. Oraintxe jakin duzue herentzia osoa Caritasi utzi diola. Jokin, Unaik esan dizu errekurritu egin behar zenuketela.

Deskribapena

Doinua

Sagutxo batzuekin

Neurria / Estrofaren izena

Hamarreko txikia (hg) / Bost puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2019-09-22 Zumaia Txapelketa [Bertsoa] / Jokin Bergara, Unai Muñoa

Neurria: Hamarreko txikia (hg) / Bost puntuko txikia (ip)
Kokapena: XDZ - Xenpelar Dokumentazio Zentroa

J. Bergara:
Lagun, ikusi zaitut
amorruz beteta
eta helegitea
jarri zuk kolpeka
har dezagun patxadaz
ta jarri arreta
utzi dezagun hola
kontua gordeta
bere borondatea
horixe zen eta.

U. Muñoa:
Bere borondatea
esan dezu, klaro!
Buruz nahastuta zegon
nahastua zeharo
Caritasekoekin
nazkatuta nago
osabaren dirua
guretzako dago
ez dut oparitu nahi
ta hoiei gutxiago.

J. Bergara:
Diruak egin behar
omen dizu hanka
eta Caritas horrek
aurpegi galanta
ez daukazu iloba
eder baten planta
oparitzen dugula
ez duzu ba kanta!
Ez da oparitzea
zurea ez zan ta.

U. Muñoa:
Zure jarrera ez da
batere normala
jakizu erremina
barruan dudala
errekurrituko dut
banihoa, hala!
Ta zuk jokatzen duzu
txintxoek bezala
nabari da diruaz
sobra zabiltzala.

J. Bergara:
Nere patrikak dira
sarritan traketsak
kartera hutsik eta
kontu denak beltzak
baina erlatiboa du
bai gaur nere ezetzak
jarrai zazu topera
beteaz ametsak
baina lortzen baduzu
erdia neretzat.

U. Muñoa:
Zeinen jatorra zaren
umorez gainera
ni serio ari naiz
banoa aurrera
eta zu ez bazatoz
zuretzat kaltera
hobe dezu etorri
nerekin batera
bestela esku hutsik
geratuko zera.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko