Bertsoak - Fitxa ikusi Atal honi buruz gehiago jakiteko
2019-09-29 Elgoibar Txapelketa [Bertsoa] / Iñaki Gurrutxaga, Ane Labaka Mayoz
| Bertsoa entzun |
2019-09-29 Elgoibar Txapelketa [Bertsoa] / Iñaki Gurrutxaga, Ane Labaka Mayoz
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
I. Gurrutxaga:
Betebeharra jarri ziguten
gure hiria zaintzeko
baina aurrekoak armatu ziren
bateko eta besteko
gaur pesimista ikusten zaitut
ta negatibo antzeko
eskubide bat ez al da gure
buruak defendatzeko?
A. Labaka:
Defendatzeko presto naukazu
baina piztu zait alarma
pistola hortan ez det utzi nahi
nere behatzen aztarna
paparra altu ibiltzen gera
gure kaleetan barna
lehendik daukagun botere hori
ez ote da nahiko arma?
I. Gurrutxaga:
Nik ulertzen det arrazoi hori
jarrita aldamenetik
baina pistolak ikusi ditut
sarri bueltaka kaletik
boterea da gure eskura
alperrak ia denetik
batzuk aspaldi pasatu ziren
boterearen gainetik.
A. Labaka:
Baina hala’re sentitzen zera
boteredun ta ministro
kalean zehar ibiltzen zera
horren txulo, horren listo
nik nahiago det urruti izan
ez naizelako harrizko
gauzak okertzen hasten badira
ertzainei deitu ta listo!
I. Gurrutxaga:
Baina aurrean baldin badugu
delituen erruduna
ta baldin bada gure artean
aspalditik ezaguna
nik udaltzaina izan nahi nuke
ta herriaren laguna
beste inork nola konponduko du
guk konpon dezakeguna?
A. Labaka:
Guk konpontzea horren errexa
ez da izaten laguna
ez det izan nahi istripu baten
gauz txar baten erruduna
gerturatzean nik irriparrez
ematen det erantzuna
boterearen gainetik jarri
nahi nuke gizatasuna.
Datu-base honetan eskainitako informazioari buruz jakiteko, kontsultatu lege oharra