BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (11. 2019)

Saioa

2019-11-17 Arrasate Txapelketa

Gai-emailea

Iriarte Iribar, Iker

Bertsolariak / Egileak

Laburu, Agin

Mendizabal, Unai

Lana

Binaka gaia-emanda

Jarritako gaia

Zu, Agin, tatuatzailea zara. Gaur, Unai adineko bezeroak eskatu dizu tatuaje bat egiteko, zimurrak disimulatzeko.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2019-11-17 Arrasate Txapelketa [Bertsoa] / Agin Laburu, Unai Mendizabal

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Laburu:
Modernizatzea da
zuen erritua
ta azala nahi dezu
zaharberritua
mapa egingo dizut
neurri-neurrikua
reliebe ta guzti
Euskal Herrikua. (bis)

U. Mendizabal:
Baba karakola nun
azalen pasatu
gero oilo zirina
epela probatu
orain mapa ipurdi
gainian pintatu
aurreko beste ezerk
ez dit funtzionatu. (bis)

A. Laburu:
Hala ere laguna
orain nago dudan
Euskal Herrian mapa
jarriz gero mugan
ertz gehiegi ez baitet
gaur ikusten zugan
zuk esan Txindoki nun
jarriko dizudan. (bis)

U. Mendizabal:
Beraz, hasia zera
makina hartuta
Txindoki egiteko
titira apunta
gaur goizian zegoen
dana elurtuta
ta nik’e txuri-txuri
daukat titi punta. (bis)

A. Laburu:
Batean Txindoki ta
bestean Donosti
hemen itsaso eder bat
jarri behar noski
tripan ez litzaizuke
geldituko gaizki
izango bailitzake
olatu ta guzti. (bis)

U. Mendizabal:
Nere zimurrak dira
neretzako drama
azal zimurrez daukat
nik terreno dana
Murias, Amenabar
dabiltz banan-bana
zuk ere hau berdintzeko
badaukazu lana. (bis)