Bertsoak - Fitxa ikusi Atal honi buruz gehiago jakiteko
2019-11-17 Arrasate Txapelketa [Bertsoa] / Unai Mendizabal
Bertsoa entzun |
2019-11-17 Arrasate Txapelketa [Bertsoa] / Unai Mendizabal
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Kokapena:
XDZ - Xenpelar Dokumentazio Zentroa
Hamasei urte beteta
denak nerabeak gara
ta etxeko kontuekin
nazkatuta nago jada
“norekin irtengo zera?”
eta “noiz helduko zara?”
nere askatasunak nunbait
egiten diete traba
etxe hontan hiru lagun
gaude bertatik bertara
baino hemendik banua
ez dakit nora, ba, hara (bis)
etxe deitzen zaio baino
gurea inpernua da.
Beti hainbeste galdera
ta ez naute uzten paken
beti zer egin, nora jun
aldiro dute esaten
maleta bete-betea
hemen det etxeko aten
orain libre izango da
lotuta zegona katen
amak besotik heldu dit
ta negarra begi tarten
nahiz seme bat joatea
ez den errexa izaten (bis)
libre izan nahi det eta
ama utzi’dazu joaten.
Etxe hitzak bere baitan
ditu hainbat zirrikitu
ta orain artean hemen
ez naiz gustora aritu
kanpon bizitzeko badet
ustez nahikoa meritu
nahiz aita ta ama lehen
kolpera diren harritu
hirurok etxe honetan
ezin geranez kabitu
maleta egin ta norabait
egin behar det abitu (bis)
sarri distantziak gauza
guztiak konpontzen ditu.
Datu-base honetan eskainitako informazioari buruz jakiteko, kontsultatu lege oharra