Bertsoak - Fitxa ikusi Atal honi buruz gehiago jakiteko
2019-12-01 Tolosa Txapelketa [Bertsoa] / Oihana Iguaran, Jon Maia
Bertsoa entzun |
2019-12-01 Tolosa Txapelketa [Bertsoa] / Oihana Iguaran, Jon Maia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
O. Iguaran:
Ze kasu zaila ailegatu den
gure bulego ta eskura
torturak egin zituela, bai
lasai onartu ez du ba!
Frogak badaude defendatzeko
ez daukat hainbeste duda
frogatuko da gertatu zela
tratu txarra ta tortura
defenda’zagun baino ikus bedi
dela betiko ohitura. (bis)
J. Maia:
Onartu du bai nola txikitu
zuen esku eta zango
eta egia esan artean
ez zula tregua emango
egi ta gezur, fiskal eta gu
gera betiko bi bando
torturatzaile bat salbatzea
izan hemengo zein hango
ez da lehena izango eta
ez da azkena izango.
O. Iguaran:
Ze kasu zaila ailegatu den
gure bulego ta eskura
torturak egin zituela, bai
lasai onartu ez du ba!
Frogak badaude defendatzeko
ez daukat hainbeste duda
frogatuko da gertatu zela
tratu txarra ta tortura
defenda’zagun baino ikus bedi
dela betiko ohitura. (bis)
J. Maia:
Onartu du bai nola txikitu
zuen esku eta zango
eta egia esan artean
ez zula tregua emango
egi ta gezur, fiskal eta gu
gera betiko bi bando
torturatzaile bat salbatzea
izan hemengo zein hango
ez da lehena izango eta
ez da azkena izango.
O. Iguaran:
Psikopata ta sadiko bat da
hori ezin degu alda
baino abokatu lan hau daukagu
ta ez gera izango galga
bere aurkako frogak badaude
akordio bat du malda
kondena luze bat zer ajola
horixe nahi dizut galda
epaile aurrean onar dezala
garrantzitsugo ez al da?
J. Maia:
Onarpen hoiek ez dakit, lagun
ni norantza naramaten
karrera bukau eta etxe bat
nola erosi dudan aurten
honek ematen digu dirua
ta ematen digu jaten
neri berdin zait sartzen bagara
bidezidor oker baten
zuzenbidea beti ez baita
bide zuzena izaten. (bis)
O. Iguaran:
Ba, bai, alperrik egiten degu
justiziaren prediku
gero tipo hau etorri da ta
gu defendatzen aritu
berdin du lehendik egin dituen
mila tortura delitu
lehendik ederki erosi dira
zortzi forense mediku
guk defendatu ez arren ere
baietz laister absolbitu. (bis)
J. Maia:
Billy el Niño absolbitzea
da bere ibilbide hura
esan daitekeen guztia degu
haizea, literatura
gu nola sartu Espainiako
estolderia barrura!
Estatuaren ernamuinetan
sartua dago tortura
itxi dezagun karpeta behingoz
eztabaida bukatu da. (bis)
Datu-base honetan eskainitako informazioari buruz jakiteko, kontsultatu lege oharra