BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (11. 2019)

Saioa

2019-12-01 Tolosa Txapelketa

Gai-emailea

Jauregi, Saroi

Bertsolariak / Egileak

Maia, Jon

Urdangarin, Iban

Lana

Binaka gaia-emanda

Jarritako gaia

Etxea berritu behar zenuela eta, zuk, Iban, Jon langilea kontratatu zenuen. Lanetik etxera itzuli zarenean, sofan topatu duzu.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2019-12-01 Tolosa Txapelketa [Bertsoa] / Jon Maia, Iban Urdangarin

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Urdangarin:
Komunen azulejo
pare bat bakarrik
konpondu behar zitun
ez zan ezer txarrik
sofan etzanda dago
Jon, ez jo adarrik
uste det ez neukala
okupa beharrik. (bis)

J. Maia:
Sapaia pintatzea
hobe dugu garaiz.
Zer dago aldakor ta
zer dago aldagaitz?
Postura hontan jarri
behar izango det maiz
perspektiba guztiak
ikusten ari naiz. (bis)

I. Urdangarin:
Etzanda lan egiten
hor dago kakoa
bistan da ez duela
itxura plakoa
sabaia garbitzea
ez zuen nahikoa
ta ez dit ba garbitu
frigorifikoa. (bis)

J. Maia:
Orduak pasa ditut
ehun eta piko,
“ea ba zer dagoen?”
diot nerekiko
garbitu det kamara
ta frigorifiko
lasai, hortan ez zaitut
inoiz hotz utziko. (bis)

I. Urdangarin:
Garbiketan ona dan
honen arabera
segi zazu etzanda
alperren antzera
pasa’idazu faktura
haundia gainera
ta nik ordaintzerako
altxatuko zera. (bis)

J. Maia:
Zuk aukeratu nauzu
eskaparatean
pagatuko didazu
hemendik joatean
earki margotuta
daukadan artean
faktura pintatu det
ezker paretean. (bis)