Bertsoak - Fitxa ikusi   Atal honi buruz gehiago jakiteko

2019-12-14 Donostia Txapelketa [Bertsoa] / Oihana Iguaran, Beñat Lizaso

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Gipuzkoako Bertsolari Txapelketa (12. 2019)
Saioa
2019-12-14 Donostia Txapelketa
Gai-emailea
Zaldua, Ion
Bertsolariak / Egileak
Iguaran, Oihana
Lizaso, Beñat
Lana
Binaka gaia-emanda
Jarritako gaia
Bikotea zarete. Eskiatzera joan nahi duzue, baina ez daukazue dirurik. Zuk, Beñat, gurasoei eskatu nahi diezu dirua. Oihanak, ez.

Deskribapena

Doinua
Adixkidia Andoaindikan
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2019-12-14 Donostia Txapelketa [Bertsoa] / Oihana Iguaran, Beñat Lizaso

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


B. Lizaso:
Eskiatzeko ilusioa
elur zuriaren poza
jakin Oihana, horrek pizten du
beti Beñaten bihotza
ta gurasoei eskatzea da
neretzako aproposa
ze pasa hautatu beharra degu
inbidia edo lotsa.

O. Iguaran:
Justu horregatik daukagu gero
zorra zorrari jarraika
ehun euro dira gaueko hotela
berrogeita hamar forfaita
hobe murriztu aurrekontua
astindu aurretik aita
edo fondoko eskia egin
askoz merkegoa baita.

B. Lizaso:
Baina fondoak ez du izaten
horrenbeste kategori
biok ibili gaitezke bertan
zutitu eta erori
ta gurasoei eskatu behar
ia ohitura da hori
aitak sarritan esaten digu:
zorrak zor lepoa lodi.

O. Iguaran:
Aitak halaxe esaten du ta
hola bihurtu da kutxa
eta gu biok aldiro degu
patrika ta kontu hutsa
erori eta zutitzeana
bada zuk daukazun funtsa
ezin diozu aitari eskatu
zu altxatzeko laguntza.

B. Lizaso:
Baina zergatik baztertzen dezu
jarri dizudan aukera?
Hemen geldituz joan beharko
degu bertso finalera
kalean bazkaldu, kalean afaldu
ta gero poteatzera
garestiago irtengo zaigu
hemen gelditzen bagera.

O. Iguaran:
Baina plan hori egin ezkero
baietz gustora gastatu
aukera ona ta merkego da
beraz ez zaite kezkatu
ta hobe gure aisialdia
aurrekontura prestatu
ta hobe dirua larrialdi bat
degun unean eskatu.

Datu-base honetan eskainitako informazioari buruz jakiteko, kontsultatu lege oharra