BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (11. 2019)

Saioa

2019-12-14 Donostia Txapelketa

Gai-emailea

Zaldua, Ion

Bertsolariak / Egileak

Elustondo, Nerea

Laburu, Agin

Lana

Binaka gaia-emanda

Jarritako gaia

Agin aita eta Nerea alaba zarete. Zuen etxean inoiz zaletasunik izan ez bada ere, zuri, Agin, Nerea alaba etorri zaizu boxeoan hasi nahi duela esanez.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2019-12-14 Donostia Txapelketa [Bertsoa] / Nerea Elustondo, Agin Laburu

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Laburu:
Etxe honetan hara
nolako bi kasu
ze desberdinak geran
alaba, ni ta zu
boxeoan hasi nahi
bazenduke, aizu,
aitonan dentadura
mesillan daukazu. (bis)

N. Elustondo:
Ez nijoa dentadura
horixe hartzera
baina aitona aipatu
dezu eta zera!
Nahiz ez geran portatzen
forofo antzera
aitona jute omen zan
Urtain ikustera. (bis)

A. Laburu:
Aitonan dentadurak
dauzka enkantuak
ta ez dira hor bukatzen
etxeko kontuak
tresneri oro ere
ez dira bapuak
guantiak ere dira
fregaderakuak. (bis)

N. Elustondo:
Beti ibiltzen zera
nerekin ezbaika
eta eztabaidari
kolpetik jarrai ta
guante horiekin
nik halaxe nahita
ezker krotxeta zer den
ba al dakizu, aita? (bis)

A. Laburu:
Harrapatu nahi luke
aita zure trenak
baino alaba lasai
dauzkat nik barrenak
amonaren krotxetak
baitira onenak
bakailuanak eta
urdaiazpikuenak. (bis)

N. Elustondo:
Kontu hoietan beti
zabiltza aldrebes
antzeko zerbait noski
espero nun aurrez
boxeoa maitea
dedalako berez
ni joango naiz zuri
gustatu ala ez. (bis)